Ebe ne Pọl gbẹẹn gie emwa Rom 8:38 - Edo Bible (E Baibol Ẹdo) Version 1996

³⁸ Rhunmwuda, mẹ miẹn ọẹn nẹ wẹẹ emwi ọkpa i rrọọ ne ọ gha sẹtin wannọ ima hin ahoẹmwọmwa rẹn rre, ọre uwu nọ, ra ẹfe, avbe odibosa, ra iran ni rre ọdakha vbe ẹrinmwi, ra avbe iran ni wo ẹghẹ na ra ẹghẹ ne ọ dee.

Ebe ne Pọl gbẹẹn gie emwa Rom 8:38 ပူးပေါင်းရင်းမြစ်များ

Iyẹn ne ọ Maan Ọghe Jọn 10:28

Mẹ rhie arrọọ etẹbitẹ ne iran nẹ, iran i ghi wu ẹdẹ, ọmwa ne ọ gha sẹtin sanmwẹ iran rhie vbe obọ mwẹ i rrọọ.

Ebe ne Pọl gbẹẹn gie emwa Rom 14:7

Rhunmwuda ọmwa ọkpa ne ọ rrọọ ne egbe ẹre, ẹ i rre uwu ima, ne ọ vbe wu ne egbe ẹre ọkpa, ẹ i vbe rrọọ. Deghẹ ma rre agbọn, Osanobua ma rre agbọn na.

Ebe ne Pọl gbẹẹn gie emwa Rom 14:8

A deghẹ te ima vbe wu, Nọyaẹnmwa ọre ima wu na. Rhunmwuda ọnii, ọ re te ima wu ra te a rre agbọn, ọghe Nọyaẹnmwa ọre ima khin.

Ebe ne Pọl gbẹẹn gie emwa Rom 4:21

Rhunmwuda ekhọe ẹre wa muẹn gbangbaangban wẹ Osanobua gha sẹtin ru vbe ne ọ yan rẹn.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

I Kọrinti 15:24

Vbe iyeke ọnii, ufomwẹ ghi do rre. Kristi ghi khọnmiotọ vbe uhunmwu ẹtin orhiọn hia ni rre asẹ, avbe ọdakha kevbe ẹtin, ọ ghi mu Arriọba nii ne Osanobua ne Evbavba.

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 4:13

Ebe kha re wẹ, “I guan rẹn rhunmwuda ighẹ iyayi.” Vbe uwu ekhọe iyayi vberriọ, ma vbe guan rhunmwuda ighẹ ma yayi.

Ẹfisọs 1:21

Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.

Kọlose 1:16

Obọ ẹre ọre Osanobua la yi emwi ni rre ẹrinmwi kevbe agbọn na, avbe emwi ne a bẹghe kevbe ne a i bẹghe, ke ẹe kevbe ẹtin avbe orhiọn nẹ ẹrinmwi, eniyan ẹvbo, iran ni khaemwisẹ kevbe iran ni rre ọdakha. Obọ ẹre ọre Osanobua la yi ideghede-gheagbọn vbe ẹrinmwi hia, rẹn ọre ọ vbe yi ẹe na.

Kọlose 2:15

Vbe uhunmwu ugbugbe nii, ọre Kristi na rhan egbe ẹre hin obọ ẹtin avbe orhiọn ẹrinmwi ni khaemwisẹ kevbe ni dakha. Ọ keghi ya iran khian agbọn wa do ghee, vbekpa ne ọ na tẹn iran ye uviẹn silo gha rrie, zẹ vbe avbe oghunmwu ne ọ munọ ẹn vbe okuo.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.