Ebe ne Pọl gbẹẹn gie emwa Rom 8:36 - Edo Bible (E Baibol Ẹdo) Version 1996

³⁶ Zẹ vbene ebe kha re, “Rhunmwuda ruẹ, uwu mu kọ ima la ẹdẹ biiri a kegha ru mwa zẹ vbe ohuan ne a ra ya gbelua.”

Ebe ne Pọl gbẹẹn gie emwa Rom 8:36 ပူးပေါင်းရင်းမြစ်များ

Psalm 141:7

Zevbe erhan ne a sọre, ne avbe giẹgiẹ ye otọ, erriọ ọ re ugboloko iran zagha lele ọkpẹn idin.

Psalm 44:11

U gie iran lọkọ ima an zẹvbe ohuan u zagha ima kua lele ẹvbo ẹrrẹe.

Psalm 44:22

Sokpan, rhunmwuda ruẹ, ọ re ima na khian ne a ghi gbele ua vbe ẹghẹ hia ne a na ru ima zẹvbe ohuan ne a ra gbele ua.

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Jerimaia 11:19

Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Jerimaia 12:3

Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 51:40

I gha viọ iran ne a gbelua zẹ vbe ivbi ohuan, ewe kevbe ogho. Mẹ ne Nọyaẹnmwa guaan nẹ.”

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Iwinna 8:32

Ehe ne ọ gha tie vbe ebe ọre ọna khin: “Rẹn yevbe ohuan ne a mu ne a ra ya gbe ua, rẹn yevbe ovbiohuan ne ọ ma tu vbe a giagia re eto. Ọ ma ta ẹmwẹ ọkpa.

I Kọrinti 15:30

Kevbe ima tobọ mwa, vbe ọ zẹ ne ima na rhie uhunmwu mwẹ atataobọ vbe ẹghẹ hia?

I Kọrinti 15:31

Etẹn mwẹ, ẹdẹgbegbe ọre I ya rhie uhunmwu da uwu. Ughanmwẹ, ne I ya uwa ghan vbe uwu ẹdẹ agbọn mwa vbe uwu Kristi Nọyaẹnmwa, ọre ọ ya mwẹ ta ẹmwẹ na.

I Kọrinti 4:9

Rhunmwuda, ọ yẹ mwẹ vbene a miẹn wẹẹ, ma ne ukọ ọre Osanobua hẹ ke odieke zẹ vbe emwa ne a wẹ ne a ya gbele ua ye ada, ne agbọn vbe ẹrinmwi miẹn gha ghe.

II Kọrinti 1:9

Ọ keghi ye ima vbene a miẹn wẹ, a ta ẹe nẹ wẹ ne a gbele ima uan. Sokpan te ọ na sunu ne a ya ma ima emwi wẹ ne ima ghẹ gha mu ẹtin yan egbe mwa vbe ẹ i re Osanobua ọkpa, ne ọ huẹn orinmwi kpaegbe.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

II Kọrinti 6:9

Zẹ vbe emwa ne a ma rẹn, Sevba emwa hia ọre ọ rẹn mwa, vbene a miẹn wẹ ma wulo nẹ, sokpan, wa tobọ uwa miẹn wẹ ma ye hiọnrọn, a rhe rri ma oya, sokpan a ma gbele ima uan.

Filipai 3:10

Emwi ne I ghi ho ọrọre ne I rẹn Kristi, ne I vbe miẹn ẹtin arhiọkpaegbe ẹre vbe egbe mwẹ, ne I ghae vbe uwu oya ne ọ re, ne I vbe do gha ye vbe irẹn vbe uwu ne ọ wu.