Ebe ne Pọl gbẹẹn gie emwa Rom 8:30 - Edo Bible (E Baibol Ẹdo) Version 1996

³⁰ Osanobua keghi tie iran ne irẹn zẹ ye efẹn ọkpa nẹ, ẹ i re wẹ ọ tie iran ọkpa, sokpan ọ keghi vbe ye iran dọlọ kugbe ba egbe irẹn, ẹ i re wẹ ọ dọlọ iran kugbe ba egbe ọkpa, sokpan ọ keghi vbe ghae ne iran vbe uwu uyi ẹre.

Ebe ne Pọl gbẹẹn gie emwa Rom 8:30 ပူးပေါင်းရင်းမြစ်များ

Aizaia 41:9

I viọ uwa ke ehe ne agbọn sẹe gha dee I tie uwa ke okhiẹ ọre ne ọ rrei sẹ rre, I keghi tama uwa wẹẹ, ‘Ọguọmwadia mwẹ ọ re uwa khin.’ I ma he uwa, sokpan, te I zẹ uwa.

Iyẹn ne ọ Maan Ọghe Jọn 17:22

Uyi ne uwẹ rhie mẹ ọre imẹ vbe rhie ne iran, ne iran miẹn ehe na gha re ọkpa zẹ vbene imẹ vbe ruẹ re ọkpa.

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

Ebe ne Pọl gbẹẹn gie emwa Rom 1:6

Ne usun ọre uwa ne emwa Rom vbe ye, emwi ne Osanobua tie re ne iran do gha re emwa Jesu Kristi.

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

Ebe ne Pọl gbẹẹn gie emwa Rom 8:21

ẹdẹ ọkpa, a gha rhan emwi ne a yi hin uwu ọviẹn kevbe ọ kẹkua ne ọ ye rre, ne ọ vbe do gha ghae vbe uyi enọyan egbe ẹre ne ivbi Osanobua mwẹ.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

I Kọrinti 1:9

Osanobua ne ọ tie uwa ne uwa do gha gu Jesu Kristi ne Ovbi ẹre mu obọ, ọmwa ne ọ kere ne a mu ẹtin yan nọ.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

Galatia 1:6

Ẹmwẹ uwa wa yan mwẹ unu uan! Vbe uwu ẹghẹ kherhe na, wa wa lẹ kua nẹ hin ehe ne ọmwa ne ọ ya ẹsọhẹ Kristi tie uwa, wa keghi vbe lẹ bu iyẹn ne ọ maa ọvbehe gha khian.

Galatia 5:8

Ẹ i re Osanobua ne ọ tie uwa ọre ọ ru ẹe.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:5

Osanobua tae nẹ wẹ vbe ekpa Jesu Kristi, rẹn gha silo ima rrie egbe ne ima do gha re ivbi ẹre, vbene ọ yẹ ọre, kevbe vbene ọ mwamwa ẹn ọre ọna khin.

Ẹfisọs 2:6

Vbe uwu ne ima na ku egbe mwa kugbe ba Kristi, ọ keghi huẹn ima kpaegbe, ba irẹn, ne ima miẹn ehe na deba irẹn gha da kha vbe ẹrinmwi.

Ẹfisọs 3:11

Vbene Osanobua mwamwa ẹn ke ne a bu agbọn tua agbọn gha dee ọre ọ ru ẹe, rẹn keghi la ekpa Kristi Jesu Nọyaẹnmwa ru ẹre ne a ru fo.

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

Kọlose 3:4

Arrọọ ọghe ẹmwata ne uwa mwẹ, ọrọre Kristi, rẹn gha ghi ye egbe ladian, wa ghi vbe deba ẹre ladian, wa ghi vbe ghae vbe uyi ẹre.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

II Timoti 2:11

Ẹmwẹ ẹmwata ọna khin: wẹ, “Deghẹ ma wu lele ẹe, ma gha vbe gu ẹe gha rrọọ.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

II Pita 1:10

Rhunmwuda ọnii khekherriọ, wa ne etẹn mwẹ, wa kakabọ hia ne uwa ya vbene uwa miẹn ọẹn hẹ ighẹ utiemwẹ ne Osanobua tie uwa, kevbe ne ọ na hannọ uwa zẹ, khian ọghe etẹbitẹ: rhunmwuda, wa gha ruẹe vberriọ, ẹ i mwẹ wa ma mu sọe.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:9

Odibosa nii keghi tama mwẹ wẹ, “Gbẹn ọnọna ye otọ: I ma kan iran ne a tie re ne ọ gha die eghọ ọghe irhiọha Oteghe Ohuan nii.” Odibosa nii keghi vbe rhie te ẹe wẹẹ, “Ẹmwata nọ, ke unu Osanobua tobọ ẹre rre ọre ọ na khin.”