Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebe ne Pọl gbẹẹn gie emwa Rom 8:3 - Edo Bible (E Baibol Ẹdo) Version 1996

3 Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

အခန်းကိုကြည့်ပါ။ ကော်ပီ




Ebe ne Pọl gbẹẹn gie emwa Rom 8:3
28 ပူးပေါင်းရင်းမြစ်များ  

Ẹre Mosis na ya oze ru ẹyẹn ọ na mu ẹẹn rrọ yan ọkpọ. Ọmwaikọmwa ne ẹyẹn sae ghi ghe ẹyẹn oze ni, ọ ghi fe.


U ghi vbe gbe ovbukhọ ọkpa zẹ vbe ese orukhọ, u ghi la odẹ vberriọ ru iruemwi akpehuan ne emwa nii.


Iran keghi vbe kan izigan eva mu ugbugbe ba Jesu, ọkpa vbe obọ erha ọmwa, kevbe nọkpa vbe obọ iye ọmwa. [


Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.


Iran keghi dọlegbe tie ọmwa na biẹ ọre arhuaro ni ukpogieva, iran tama rẹn wẹẹ, “Yan vbe odaro Osanobua ighe ẹmwata ọre u khian ta. Ma rẹnrẹn ighe ọmwa orukhọ ọre oko na khin.”


Ọmwa ne ogha sẹtin la ekpa ighẹ ọ mu nene Uhi sẹ khian ọmwata vbe odaro Osanobua, ẹ i rrọọ. Emwi ne nene Uhi ru ọrọre ne ọ rhie ma ọmwa wẹ re, ọ ru orukhọ.


Rhunmwuda, ma rẹn ọnọna wẹ a gbe emwi ne ima te khin uan nẹ ba Kristi vbe uhunmwu ugbugbe ẹre, ne a miẹn ehe na fuẹn uan ighẹ ẹtin egbe nọ re ọghe orukhọ, ne ima ghẹ gha re ọviẹn orukhọ ọvbehe.


Mẹ rẹnrẹn wẹ, emwi ne ọ maa rhọkpa i rre uwu imẹ, vbe ikinnegbe mwẹ kẹkan na, rhunmwuda, a gha rhe miẹn wẹ emwi ne ọ maa te yẹ mwẹ ne a ru, sokpan ẹ i gun mwẹ ru.


Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!


Vbe ọrrọ akpawẹ mẹ khian ne Osanobua fi ẹre unu kevbe ne a wannọ hin egbe Kristi rre rhunmwuda iran.


Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.


Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”


Te ọnii ghi rhie maa ra ighẹ nene Uhi gbe odan ye emwi ne Osanobua ve? Hiehiere. Rhunmwuda, akpawẹ Uhi ne a yi, ne ọ sẹtin rhie arrọọ ne ọmwa rrọọ, ẹghẹ nii, te a gha sẹtin la ekpa uhi gha ye ọmwa khian ne ọ mudia ẹse vbe odaro Osanobua.


Sokpan rẹn keghi ya ekhọe obọ ẹre kuẹ ehia ye otọ, ọ na rhie egbe ye ihe ọguọmwadia, ọ keghi do ye vbe ọmwa kẹkan.


Sokpan Kristi keghi zọ ese ọkpa ye orukhọ, ese ne ọ ruẹre ẹdẹdẹmwẹdẹ, vbe iyeke ọnii ọ keghi tota vbe obọ erha ọmwa Osanobua.


Ọ keghi ye ese ne ọ zọ re uhukpa kẹkan ya iran khian ni huanrẹn ighẹ avbe iran ni huan hin orukhọ rre.


Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.


Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.


Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.


Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ