Ebe ne Pọl gbẹẹn gie emwa Rom 8:29 - Edo Bible (E Baibol Ẹdo) Version 1996

²⁹ Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

Ebe ne Pọl gbẹẹn gie emwa Rom 8:29 ပူးပေါင်းရင်းမြစ်များ

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 89:27

I gha ya ẹe ru ovbi mwẹ nokpia ne ọdiọn, ne ọ kpọlọ sẹ vbe uwu avbe ọba hia.

Ẹksọdọs 33:12

E Mosis keghi tama e Nọyaẹnmwa wẹẹ, “Ẹmwata nọ wẹ ne I viọ emwa na gha rrie otọ nii, sokpan u ma tama mwẹ ọmwa ne u gha gie lele mwẹ. U keghi kha wẹẹ, ‘U rẹn mwẹ ẹsẹse ekhọe ruẹ vbe rhiẹnrhiẹn ghe mwẹ.’

Ẹksọdọs 33:17

E Nọyaẹnmwa tama e Mosis wẹẹ, “I gha ru vbene u khare na, rhunmwuda ẹko mwẹ rhiẹnrhiẹn ghe ruẹ I keghi vbe rẹn ruẹn ẹsẹsẹmwẹse.”

Jerimaia 1:5

“I zẹẹ uwẹ nẹ, I keghi rhie arrọọ nuẹn, vbe a te do biẹ ọ, I hannọ uwẹ rhie ladian nẹ ne u gha re akhasẹ avbe uhunmwu ẹvbo.”

Matiu 12:50

Rhunmwuda ọmwa ne ọ rhirhi ru iho Erhamwẹ ne ọ rre ẹrinmwi ọrọre ọtẹn mwẹ nokpia, kevbe ọtẹn mwẹ nokhuo kevbe iye mwẹ.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 28:10

Jesu keghi tama iran wẹẹ, “Wa ghẹ gie ohan mu uwa, wa ya khama avbe etẹn mwẹ ne iran gha rrie Galili, evba iran gha na miẹn mwẹ.”

Matiu 7:23

Ẹghẹ ni ọre I gha na tama iran wẹẹ, ‘I ma rẹn uwa, wa ladian mwa, wa ni winna iwinna orukhọ.’

Iyẹn ne ọ Maan Ọghe Jọn 17:16

Vbene imẹ i re ọghe agbọn na, erriọ zẹẹ iran i vbe re ọghe agbọn na.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Iyẹn ne ọ Maan Ọghe Jọn 17:26

I rhie ma iran nẹ, erriọ ọre I khian ye gha ru ẹe khian, ne ahoẹmwọmwa ne u mwẹ ghe mwẹ sẹtin sẹ iran egbe, ne imẹ sẹtin gha rre uwu iran.”

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Ebe ne Pọl gbẹẹn gie emwa Rom 11:2

Osanobua ma he emwa rẹn ne irẹn hannọ zẹ ke omuhẹn gha dee. Wẹ gha yerre wẹ Osanobua tae vbe ebe ne Elaija na gha ha ivbi Izrẹl ifi ẹzọ wẹẹ,

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Ebe ne Pọl gbẹẹn gie emwa Rom 9:23

Ọ keghi vbe gha ho ne ọ rhie ẹre ne a miẹn ighẹ ukpọlọmwẹ uyi ẹre ne ọ tue yan ima ne ọ wẹ ne irẹn tohan rẹn, ma ne ọ hannọ ye otọ nẹ ne uyi ẹre sẹ ima obọ.

I Kọrinti 15:49

Zẹ vbene ima te ka gha ye vbe ama ọghe ọnii ne a ya ekẹn ma, erriọ ma ghi mu akpa ọghe ọmwa ne ọ ke ẹrinmwi rre yọ.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 4:24

Wa ghi mu ẹn yọ ighẹ egbe ọgbọn nii ne a yi zẹ vbe ama ọghe Osanobua, ne ọ vbe rhie egbe ma vbe a rrọọ ọghe ẹmwata ne ọre ne ọ mudia ẹse kevbe ne ọ huanrẹn.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

Kọlose 3:10

Wa keghi vbe mu ọghọgbọn yọ, ọnọna ọrọre ọmwa ọgbọn nii ne Osanobua nọ yi ẹe fi werriẹ, khian ama ọghọe, ne ọ miẹn ehe na do gie uwa rẹn irẹn fo.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.