Ebe ne Pọl gbẹẹn gie emwa Rom 8:27 - Edo Bible (E Baibol Ẹdo) Version 1996

²⁷ Osanobua ne ọ sẹtin bẹghe uwu ekhọe emwa ne agbọn. rẹn emwi ne nene Orhiọn mu roro, rhunmwuda, te nene Orhiọn rinmwian ne emwa rẹn vbe ehe ne Osanobua ye, zẹ vbe ne ọ gua emwi ne irẹn ho ro.

Ebe ne Pọl gbẹẹn gie emwa Rom 8:27 ပူးပေါင်းရင်းမြစ်များ

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

Psalm 139:1

E Nọyaẹnmwa, wẹ danmwẹ mwẹ ghe nẹ, u vbe rẹn mwẹ nẹ.

Psalm 38:9

Nọyaẹnmwa, wẹ rẹn emwi ne I rhie aro yi, u vbe họn utumwẹ obalọ mwẹ hia.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Jerimaia 11:20

Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Matiu 6:8

Wa ghẹ ye egbe ta iran. Erha uwa rẹn emwi ne uwa i mwẹ nẹ wa te do nọ rẹn.

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Iyẹn ne ọ Maan Ọghe Jọn 14:13

Emwi ne uwa a rhirhi nọ vbe eni mwẹ i ghi ruẹe, ne a miẹn ehe na la ekpa ọmọ rhie uyi Evbavba maa.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

Iwinna 15:8

Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima.

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

Ebe ne Pọl gbẹẹn gie emwa Rom 8:6

A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

Ẹfisọs 2:18

Vbe ekpa Jesu Kristi, ọre ima hia, ke Ju kevbe ne ẹ i re Ju, ne a sẹtin ya Orhiọn Osanobua ọkpa nii gha die odaro Evbavba.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.