Ebe ne Pọl gbẹẹn gie emwa Rom 8:26 - Edo Bible (E Baibol Ẹdo) Version 1996

²⁶ Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

Ebe ne Pọl gbẹẹn gie emwa Rom 8:26 ပူးပေါင်းရင်းမြစ်များ

Job 37:19

Ma ima ẹmwẹ ne a gha tama Osanobua ẹwaẹn wi ima nẹ, ma i ghi miẹn ẹmwẹ ta.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

Psalm 102:20

Ọ họn eve ikhiẹkhiegbe ọghe iran ni rre ẹwẹdọ ọ na fannọ iran ne a bu ohiẹn uwu gbe kua.

Psalm 102:5

Te I ghi rriakọn ne emwa hia họn, I i ghi mwẹ egbe gberra ohian vbe uvẹ.

Psalm 6:3

Egbe ma rọkhọ mwẹ hiehie, vbua gha kpẹẹ sẹhẹ yi, Nọyaẹnmwa, u ke do yọmwẹ obọ?

Psalm 6:9

Ọ danmwehọ eve ne I viọ nọ iyobọ, ọ gha vbe họn erhunmwu mwẹ.

Psalm 69:3

Egbe wọ mwẹ ne I ya tu nọ iyobọ, urhu mwẹ vbe kaka te aro mwẹ ghi vbọ ne I ya gualọ iyobọ ruẹ.

Eve Orriara 3:56

I ghi vbe rinmwian wẹ ne u zẹ yọ mwẹ re, u keghi họọn.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Matiu 10:20

Rhunmwuda ẹ i re ẹmwẹ obọ uwa ọre uwa ra ta. Orhiọn Erha uwa ne ọ rre uwu uwa ọre ọ ra rhie ẹmwẹ ne uwa gha ta ye uwa unu.

Matiu 20:22

Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Iyẹn ne ọ Maan Ọghe Jọn 14:16

Mẹ gha nọ Evbavba, rẹn ghi vbe rhie Nọyọmwaobọ ọvbehe gie uwa. Orhiọn ẹmwata nii ne ọ gha gu wa rrọ ẹdẹdẹmwẹdẹ.

Ebe ne Pọl gbẹẹn gie emwa Rom 15:1

Ọ kere ne ima ne iyayi ẹre wegbe gha kpa iran ni ma wegbe ihẹ. Ọ ma kei ne ima gha ru ne ọ yẹ egbe mwa.

Ebe ne Pọl gbẹẹn gie emwa Rom 7:24

Ọ sẹ mwẹ sẹ egbe mwẹ! Gha ọ ghi ra fan mwẹ hin obọ ikinnegbe ne ọ si mwẹ khian ya rhie gbe ua na?

Ebe ne Pọl gbẹẹn gie emwa Rom 8:15

Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

II Kọrinti 5:2

Banbanna nian, te ima ghi rhie aro ye odẹ, te ọ ghi bọbọ ima egbe wẹ ne a do mu akpa mwa ne ọ rre ẹrinmwi yọ mwa.

II Kọrinti 5:4

Omwa vbene ima na ye rre uwu okhogbo agbọn na, te ima gha ye gha khiẹkhiẹ egbe ba ẹmwẹ oya ne a rri ima re, ẹ i re rhunmwuda ighẹ ma ho ne a mu ikinnegbe ọghe agbọn mwa na fua, sokpan ma ho ne a ya ọghe ẹrinmwi yọ mwa, vbene a gha na miẹn wẹ, arrọọ ghi rhie emwi ne ọ sẹtin wu gbe re.

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Ẹfisọs 2:18

Vbe ekpa Jesu Kristi, ọre ima hia, ke Ju kevbe ne ẹ i re Ju, ne a sẹtin ya Orhiọn Osanobua ọkpa nii gha die odaro Evbavba.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

Hibru 5:2

Rhunmwuda ighẹ odẹ ni bun ọre irẹn ma na gba, rẹn tobọ ẹre ọ ghi gha ye obọ nekhuẹrhẹ mu iran ni ma rẹn ne a ye, kevbe ni ha emwi ku ru.

Jems 4:3

Wa gha nọ, ẹ i vbe sẹ uwa obọ rhunmwuda, emwi ne ọ ya uwa nọ rẹn, ẹ i ma, emwi ne uwa gha ya gha zẹ ọkpowẹ, ọre uwa họ rẹn.