Ebe ne Pọl gbẹẹn gie emwa Rom 8:24 - Edo Bible (E Baibol Ẹdo) Version 1996

²⁴ Rhunmwuda, idaehọ ọre a ya miẹn ima fan. Sokpan, deghẹ ma bẹghe emwi ne a mwẹ idaehọ ẹre nẹ, ọnii i ghi re idaehọ. Wa he vbe miẹn ọmwa ne ọ rhie aro ye odẹ gha khẹ emwi ne ọ rre ọre obọ nẹ ra?

Ebe ne Pọl gbẹẹn gie emwa Rom 8:24 ပူးပေါင်းရင်းမြစ်များ

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 33:18

E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Psalm 33:22

Gie ahoẹmwọmwa ruẹn ne ẹi beghe, gu ima gha rrọ, Nọyaẹnmwa, zẹ vbene idaehọ mwa rre uwu uwẹ.

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Jerimaia 17:7

“Sokpan mẹ gha fiangbe ọmwa ne ọ mu ẹtin ẹnrẹn yan mwẹ.

Zẹkaraia 9:12

Wa ni rre iwe, ni ghi mwẹ idaehọ nian, wa werriegbe gha die owa. Te imẹ ghi tama uwa nian wẹ I gha ha ukhukhu eva ne uẹn, deba afiangbe ye oya ne u he re.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Ebe ne Pọl gbẹẹn gie emwa Rom 4:18

Ebraham yayi, ọ keghi vbe gha mwẹ idaehọ vbe ẹghẹ ne idaehọ i na rrọọ, rhunmwuda ọnii, ọ keghi do khian erha uhunmwu ẹvbo ni bun. Zẹ vbene ebe ta ẹe wẹ, “Ekhuarha ruẹ gha bun.”

Ebe ne Pọl gbẹẹn gie emwa Rom 5:2

Rẹn keghi ye iyayi viọ ima gha die uwu ẹse ọhẹ Osanobua, ehe ne ima ghi mudia yi na. Rhunmwuda ọnii nian, te ima ghi ghọghọ vbe idanwehọ wẹ ma gha ghae vbe uwu uyi ọghe Osanobua.

Ebe ne Pọl gbẹẹn gie emwa Rom 8:20

Te a gheghe ya avbe emwi ne a yi khian ne ẹ i ighi mwẹ esa, ẹ i re wẹ te ọ te ye ọre vberriọ. Sokpan vbene Osanobua we emwi gha ye ọre nọ, sokpan idaehọ na ye rrọọ wẹẹ,

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

II Kọrinti 4:18

Rhunmwuda, ẹ i re emwi ne a dẹghe ma rhie aro daa, sokpan avbe emwi ne a i dẹghe nọ. Emwi ne a sẹtin dẹghe, ovbi ẹghẹ kherhe ọre ọ ya vbe otọ, sokpan emwi ne a i dẹghe ọre ọ rrọ ẹdẹdẹmwẹdẹ.

II Kọrinti 5:7

Rhunmwuda, ekpa iyayi ọre ima ya rre agbọn na, ighẹ ẹ i re wẹ ma miẹn otọ ẹre nẹ.

Galatia 5:5

Zẹ vbe ọghomwa, idaehọ mwa ọrọre wẹ, Osanobua gha ya ima khian ne ọ mudia ẹse vbe odaro ẹre, ọnọna ọre ima mudia khẹ, vbe ekpa ẹtin Orhiọn Osanobua, ne ọ winna la ekpa iyayi mwa.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Kọlose 1:5

Ẹghẹ ne ikporhu ẹmwata nii, ighẹ Iyẹn Ne ọ maa na ka sẹ ehe ne uwa ye, wa keghi họn vbene ọ rhie idaehọ ne ọmwa hẹ. Rhunmwuda ọnii, iyayi kevbe aho ẹmwẹ ọmwa keghi re ne ọ hẹnhẹn egbe yan emwi ne uwa danmwehọ ẹre, emwi ne a dọlọ yi ye otọ khẹ uwa vbe ẹrinmwi.

I Tẹsalonaika 5:8

Sokpan ivbi uwanmwẹ ẹdẹ ma khin, ọ kere ne aro gbannọ ima vbe uhunmwu. Ọ kere ne ima gbalọ iyayi kevbe aho ẹmwẹ ọmwa ye egbe zẹ vbe uhanhan ẹwẹe, kevbe idaehọ ne ima mwẹ ye imiẹnfan, zẹ vbe ẹrhu ne uhunmwu.

II Tẹsalonaika 2:16

Te Nọyaẹnmwa Jesu Kristi tobọ ẹre, kevbe Osanobua ne Erha mwa ne ọ ho ẹmwẹ mwa, ọ keghi vbe ke uwu ẹsọhẹ ọre rhie igiẹdu etẹbitẹ ne ima, deba idaehọ ne ọ maa.

Taitọs 3:7

Ne a sẹtin la ekpa ẹsọhẹ ọghe ọe dọlọ ima kugbe ba Osanobua, ne ẹfe ẹtẹbitẹ ne ima danmwehọ ẹre miẹn ehe na sẹ ima obọ.

Hibru 11:1

Ne a gha mwẹ iyayi ọrọre ne I aro ọmwa da emwi ne a mwẹ idanmwehọ ẹre, ne ekhọe ọmwa mu emwi ne a ma he dẹghe.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.