Ebe ne Pọl gbẹẹn gie emwa Rom 8:21 - Edo Bible (E Baibol Ẹdo) Version 1996

²¹ ẹdẹ ọkpa, a gha rhan emwi ne a yi hin uwu ọviẹn kevbe ọ kẹkua ne ọ ye rre, ne ọ vbe do gha ghae vbe uyi enọyan egbe ẹre ne ivbi Osanobua mwẹ.

Ebe ne Pọl gbẹẹn gie emwa Rom 8:21 ပူးပေါင်းရင်းမြစ်များ

Iwinna 3:21

Te irẹn gha ka tota vbe ẹrinmwi nẹ, ọ te do sẹ ẹghẹ ne a gha na ya emwi hia khian ọgbọn, zẹ vbene Osanobua la unu avbe akhasẹ ọre ta ẹe ye otọ ke ne ẹkpo imwẹ arria gha dee.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

Ebe ne Pọl gbẹẹn gie emwa Rom 8:30

Osanobua keghi tie iran ne irẹn zẹ ye efẹn ọkpa nẹ, ẹ i re wẹ ọ tie iran ọkpa, sokpan ọ keghi vbe ye iran dọlọ kugbe ba egbe irẹn, ẹ i re wẹ ọ dọlọ iran kugbe ba egbe ọkpa, sokpan ọ keghi vbe ghae ne iran vbe uwu uyi ẹre.

I Kọrinti 15:42

Vberriọ ọre ọ khian gha ye vbe a gha huẹn eniwulo kpaegbe nẹ. Ẹghẹ ne a na tọnnọ ikinnegbe ye uwu otọ, emwi ne ọ sẹtin wu nọ, a ghẹ ghi huẹn ọnrẹn kpaegbe nẹ, ọ ghi do gha re emwi ne ẹ i wu.

Hibru 12:27

Ne ọ na kha wẹ, “dọlegbe,” wa rhie maa wẹ, emwi ne a yi hia ọre a gha mu rueghe, a ghi viọ iran hin rre, ne ọ miẹn ehe na do kẹe avbe emwi ne a ma mu rueghe.

II Pita 3:13

Sokpan Osanobua ta ẹe nẹ wẹ agbọn ọgbọn kevbe ẹrinmwi ọgbọn gha rre, ehe ne ọ gha gua ẹmwata egbe ro, ena ọre ima mudia khẹ.

Arhie Maan 21:1

Iyeke ọnii, I keghi bẹghe ẹrinmwi ọgbọn kevbe agbọn ọgbọn, a kaghi ho ẹrinmwi ne okaro kevbe agbọn ne okaro bẹkun, a keghi vbe ho okun bẹkun.