Ebe ne Pọl gbẹẹn gie emwa Rom 8:2 - Edo Bible (E Baibol Ẹdo) Version 1996

² Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Ebe ne Pọl gbẹẹn gie emwa Rom 8:2 ပူးပေါင်းရင်းမြစ်များ

Psalm 51:12

Rhie oghọghọ imiẹnfan ruẹn dọlegbe mẹ, ne u gunmwẹ gha ho ne I gha họn ẹmwẹ ne uẹn.

Ezikiẹl 1:21

Rhunmwuda ọnii, ẹghẹikẹghẹ ne avbe emwi na ya zẹ owẹ ra te iran demudia, ra te iran laghe odukhunmwu, avbe emwi ne khurubu na ghi vbe ru vberriọ zẹẹ.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iyẹn ne ọ Maan Ọghe Jọn 8:32

Wa gha rẹn ẹmwata ne ọ rrọọ, ẹmwata ni gha ya uwa khian enoyan egbe ẹre.”

Iyẹn ne ọ Maan Ọghe Jọn 8:36

Deghẹ Ọmọ ghi fan uwẹ fua, u ghi do khian enọ yan egbe ẹre vbe ẹmwata.

Ebe ne Pọl gbẹẹn gie emwa Rom 16:3

Wa we Priskila kevbe Akuila ne ogieva mwẹ ne ima gba winna ne Kristi Jesu do.

Ebe ne Pọl gbẹẹn gie emwa Rom 3:27

De emwi ne a ghi ra ya rhuọ vbe emwa na yi? Ẹ i rrọọ! Rhunmwuda vbe ọ khin yi? Rhunmwuda ighẹ ọmwa ru vbene nene Uhi kha re nọ ra? Ẹn o, sokpan rhunmwuda ighẹ ọ yayi.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 6:18

A fannọ uwa hin obọ orukhọ rre nẹ, wa ke do gha re eviẹn emwi ni re emwi ẹmwata.

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

Ebe ne Pọl gbẹẹn gie emwa Rom 7:21

Mẹ keghi do miẹn wẹ, emwi ne ọ sunu ọrọre wẹ, mẹ gha wẹ ne I ru emwi esi, emwi dan ọkpa ọre ẹtin mwẹ sẹ.

Ebe ne Pọl gbẹẹn gie emwa Rom 7:23

Sokpan emwi ọvbehe ọre ọ sunu vbe ikinnegbe mwẹ, ọnii nọ wẹ, emwi ne ọ gu emwi ne ekhọe mwẹ ye obọ yi gbinna, ọ keghi do ya mwẹ khian oghunmwu emwi orukhọ ne ọ zẹ evbọguẹe ru vbe ikinnegbe mwẹ.

Ebe ne Pọl gbẹẹn gie emwa Rom 7:4

Vbe nian ọre ọ ye vbe egbe uwa, etẹn mwẹ. Zẹ vbe emwi ni la ghe odẹ ọghe nene Uhi, wa wulo nẹ, rhunmwuda, efẹn ọkpa vbe egbe Kristi ọre uwa khin. Banbanna nian, ọmwa ne a huẹn kpaegbe vbe idin ọre ọ ghi yan uwa, ne ima miẹn ehe na gha re ne ẹdẹ agbọn rẹn mwẹ esa ne ọ ye vbe ohọ Osanobua.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

I Kọrinti 15:45

Rhunmwuda, ebe kha re wẹ: “Adam ne okaro, te a yi ẹre emwi ne ọ rre agbọn,” sokpan Adam ne okiekie keghi re Orhiọn Osanobua ne ọ rhie arrọọ ne ọmwa.

II Kọrinti 3:17

Vbe ehe ne a tie re na, Orhiọn ọre a kha vbe a guan kan “Nọyaẹnmwa.” Eheikehe ne Orhiọn Nọyaẹnmwa a rhirhi gha ye, a yan egbe ọmwa rre evba.

II Kọrinti 3:6

Rhunmwuda, rẹn ọre ọ ru ẹe ne ima sẹtin gha ga ile nọgbọn, ne ẹ i re uhi ne a gbẹnnẹ ye otọ, sokpan, ọghe Orhiọn. Uhi ne a gbẹnnẹ ye otọ uwu ọre ọ si rre, sokpan arrọọ ọre Orhiọn rhie ne ọmwa.

Galatia 2:19

Vbene ọ rhirhi gha ye hẹ, vbe ọ ghe emwi ne ọ dekan nene Uhi, mẹ wu nẹ, nene Uhi tobọ ẹre ọre ọ vbe gbe mwẹ uan, ne I miẹn ehe na gha rre agbọn ne Osanobua. A gbe mwẹ uan ba Kristi nẹ vbe uhunmwu ugbugbe ẹre.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

Jems 1:25

Sokpan, ọmwa ne ọ gbe aro ke otọ ghe uhi ne ọ gbae ne ọ ya ọmwa khian nọyan egbe ẹre, ne ọ rhie ẹre ye ekhọe vbe ẹghẹ hia, ighẹ ẹ i re ne ọ gha danmwehọ nẹ, ọ mianmianẹn, sokpan ne ọ ya ẹe ru emwi, Osanobua gha fiangbe ọmwa vberriọ vbe emwikemwi ne ọ rhirhi gha ru.

Arhie Maan 11:11

Vbe iyeke ikpẹdẹ eha vbe ukhiọnmwẹ, uhiọnrọnmwẹ ne ọ rhie arrọọ ne ọmwa ke ehe ne Osanobua ye rre la uwu iran, iran keghi kpaegbe mudia, orrirri keghi gbe ku emwa hia ni miẹn iran.

Arhie Maan 22:1

Odibosa ni keghi vbe do ma mwẹ ẹzẹ amẹ ẹfe, ọ fi wainwain vbe Kristal, ẹkete Osanobua kevbe ọghe nene Oteghe Ohuan ọre ọ ke lẹ de.