Ebe ne Pọl gbẹẹn gie emwa Rom 8:19 - Edo Bible (E Baibol Ẹdo) Version 1996

¹⁹ Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

Ebe ne Pọl gbẹẹn gie emwa Rom 8:19 ပူးပေါင်းရင်းမြစ်များ

Aizaia 65:17

E Nọyaẹnmwa khare wẹẹ, “Mẹ wa yi agbọn ọgbọn nian, kevbe avbe ẹrinmwi ọgbọn. A gha mianmian emwi ni sunu vbe ẹghẹ ne ọ gberra hia fẹfẹẹfẹ.

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Iyẹn ne ọ Maan Ọghe Jọn 1:12

Vbene ọ rhirhi gha ye hẹ, eso vbọ rhan obọ miẹn rẹn, iran keghi yaeyi, rhunmwuda ọnii, rẹn keghi rhie ẹtin ne iran ne iran khian ivbi Osanobua.

Iwinna 3:21

Te irẹn gha ka tota vbe ẹrinmwi nẹ, ọ te do sẹ ẹghẹ ne a gha na ya emwi hia khian ọgbọn, zẹ vbene Osanobua la unu avbe akhasẹ ọre ta ẹe ye otọ ke ne ẹkpo imwẹ arria gha dee.

Ebe ne Pọl gbẹẹn gie emwa Rom 8:14

Avbe emwa ne Orhiọn Osanobua ma re odẹ, ivbi Osanobua ọre iran khin.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 8:18

Mẹ ghe ẹre wẹ oya ne ima re ẹghẹ na ma sẹ ne a gha ya gie uyi ne a gha rhie ma mwa hiehie re.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

Ebe ne Pọl gbẹẹn gie emwa Rom 9:26

Ihe ọkpa nii ne a na tae zẹẹ wẹ, ‘Wa i re emwa mwẹ,’ ọre a gha na tie iran ivbi Osanobua ne ọ rrọọ.”

I Kọrinti 1:7

Wẹ wa ma he vbabọ emwi afiangbe ọkpa ẹdẹ, vbe uwu ẹghẹ ne uwa ya diakhẹ Nọyaẹnmwa Jesu Kristi ne ọ rhie egbe maa.

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

II Kọrinti 6:18

Mẹ ghi gha re erha uwa, wa ghi gha re ivbi mwẹ ne ikpia kevbe ne ikhuo, erriọ Nọyaẹnmwa Oghodua kha re.”

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Filipai 1:20

Rhunmwuda, emwi ne I mobọ ho kevbe ne I danmwehọ ẹre, ọrọre ne a ghẹ miẹn ighẹ I ma ghi sẹtin winna iwinna mwẹ, sokpan ne a miẹn wẹ vbe ẹghẹ hia, kpataki vbe iwinna na, ne ẹtin gha rre iwu, vbe ne a gha na miẹn wẹ, egbe mwẹ hia ọre I ghi ya rhie uyi gie Kristi, te I rre agbọn ra te I wu.

Kọlose 3:4

Arrọọ ọghe ẹmwata ne uwa mwẹ, ọrọre Kristi, rẹn gha ghi ye egbe ladian, wa ghi vbe deba ẹre ladian, wa ghi vbe ghae vbe uyi ẹre.

Hibru 12:27

Ne ọ na kha wẹ, “dọlegbe,” wa rhie maa wẹ, emwi ne a yi hia ọre a gha mu rueghe, a ghi viọ iran hin rre, ne ọ miẹn ehe na do kẹe avbe emwi ne a ma mu rueghe.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.