Ebe ne Pọl gbẹẹn gie emwa Rom 8:16 - Edo Bible (E Baibol Ẹdo) Version 1996

¹⁶ Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 8:16 ပူးပေါင်းရင်းမြစ်များ

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Matiu 5:9

Ọ maa ne iran ni gualọ ọfumwegbe emwa, Osanobua gha tie iran ivbi irẹn!

Iyẹn ne ọ Maan Ọghe Luk 20:36

Iran ye vbe avbe odibosa, iran i wulo. Ivbi Osanobua iran khin, rhunmwuda a huẹn iran kpaegbe vbe orinmwi nẹ.

Iyẹn ne ọ Maan Ọghe Jọn 1:12

Vbene ọ rhirhi gha ye hẹ, eso vbọ rhan obọ miẹn rẹn, iran keghi yaeyi, rhunmwuda ọnii, rẹn keghi rhie ẹtin ne iran ne iran khian ivbi Osanobua.

Iwinna 5:32

Ma ọrọre osẹe emwi na hia, ma kevbe Orhiọn Ne Ọ Huanrẹn ne Osanobua ya ru emwa hia ni họn ẹmwẹ ọnrẹn ẹse.”

Ebe ne Pọl gbẹẹn gie emwa Rom 8:14

Avbe emwa ne Orhiọn Osanobua ma re odẹ, ivbi Osanobua ọre iran khin.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

Ebe ne Pọl gbẹẹn gie emwa Rom 8:26

Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

Ebe ne Pọl gbẹẹn gie emwa Rom 9:26

Ihe ọkpa nii ne a na tae zẹẹ wẹ, ‘Wa i re emwa mwẹ,’ ọre a gha na tie iran ivbi Osanobua ne ọ rrọọ.”

Ebe ne Pọl gbẹẹn gie emwa Rom 9:8

Ọna rhie maa wẹ emọ ne a biẹ ẹe zẹ vbene a biẹ ọmwa kẹkan, iran i re ivbi Osanobua, sokpan iran ne a biẹ ẹe rhunmwuda ighẹ Osanobua ọre ọ ve emwa re, ọre a ka ye ivbi eseserese.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 1:22

Ọ na tobọ ẹre rhie ama ọghe mẹ ọre ọ yan rẹn ọghọe, ye ima egbe, ọ keghi vbe rhie Orhiọn Ne Ọ Huanrẹn ye ima ekhọe ne aro mwa ya dae wẹ, ẹmwata nọ ighẹ emwi ne ọ ra hẹ ne ima.

II Kọrinti 5:5

Osanobua ọre ọ mwamwa afiwerriẹ na ne ima, ọ keghi rhie orhiọn rẹn ne ima zẹ vbe ama ne ima gha ya ya aro ye emwi ne ọ rhie khẹ mwa.

II Kọrinti 6:18

Mẹ ghi gha re erha uwa, wa ghi gha re ivbi mwẹ ne ikpia kevbe ne ikhuo, erriọ Nọyaẹnmwa Oghodua kha re.”

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Ẹfisọs 1:13

Erriọ ọre ọ wa vbe gha ye ne uwa bare, ugbẹn vbe uwa họn ikporhu ẹmwata nii, nene Iyẹn Ne ọ maa ne ọ rhie imiẹnfan gie uwa, wa keghi ya Kristi yi, Osanobua keghi yi uwa ama mẹ ọ yan rẹn, vbe ekpa ne ọ na rhie Orhiọn Ne Ọ Huanrẹn ne ọ ve ne uwa.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.

I Jọn 4:13

Ọnọna ọre ọ ye aro ima dae wẹ ma rre uwu Osanobua kevbe wẹ rẹn vbe rre uwu ima, ọ rhie Orhiọn ẹnrẹn ne ima.

I Jọn 5:10

Rhunmwuda ọnii, ọmwaikọmwa ne ọ ya Ovbi Osanobua yi, mwẹ osẹe na vbe uwu ekhọe ẹre. Sokpan ọmwaikọmwa ne ọ ma ya Osanobua yi, ya ẹe khian ọhọn ohoghe nẹ, rhunmwuda osẹe ne Osanobua sẹe vbe ekpa Ovbi ẹre ọ ma yae yi.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.