Ebe ne Pọl gbẹẹn gie emwa Rom 8:15 - Edo Bible (E Baibol Ẹdo) Version 1996

¹⁵ Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

Ebe ne Pọl gbẹẹn gie emwa Rom 8:15 ပူးပေါင်းရင်းမြစ်များ

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Aizaia 56:5

ẹghẹ nii, a gha ye eni ruẹn rre vbe Ọgua Osa mwẹ kevbe uwu ẹbu avbe emwa mwẹ kpẹe vbotọ ẹsẹse sẹẹ akpawẹ te u biẹlẹ emọ ikpia kevbe emọ ikhuo. A i mianmian an ẹdẹdẹmwẹdẹ.”

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Nọmbas 17:12

Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ!

Matiu 25:25

Ohan ruẹn keghi mu mwẹ, rhunmwuda ọnii ọre I na ya tọn igho ruẹ ye otọ, ghe emwi ruẹ vba.’

Iyẹn ne ọ Maan Ọghe Mak 14:36

Ọ wẹẹ, “Evbavba, Erha mwẹ, a i miẹn emwi ne ẹ i gie uwẹ ru, gie oya na la mwẹ baan sokpan, ẹ i re vbene Imẹ ho vbe ẹ i re vbene uwẹ ho.”

Iyẹn ne ọ Maan Ọghe Luk 11:2

Jesu wanniẹn, “Ọna ọre erhunmwu ne uwa ghaa na: “ ‘Evbavba: Gia ya ọghọ ne eni ruẹn, gie Arriọba ruẹ rre.

Iyẹn ne ọ Maan Ọghe Luk 22:42

Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [

Iyẹn ne ọ Maan Ọghe Luk 8:28

Ọ keghi datu vbe ọ dẹghe Jesu, ọ degbe otọ vbe odaro ọre ọ datu wẹẹ, “Jesu Ovbi Osanobua Ne Ọ Yo Sẹ, vbe ua gualọ sẹ egbe mwẹ? Lahọ ghẹ rriọ mwẹ oya.”

Iyẹn ne ọ Maan Ọghe Luk 8:37

Emwa hia ni wa ke otọ Gadara rre keghi bu Jesu gha dee, iran tama rẹn ne ọ do kpao hin iran ẹvbo rre rhunmwuda ohan mu iran ẹsẹse. Rhunmwuda ọnii, Jesu keghi la okọ, ọ na kpao.

Iyẹn ne ọ Maan Ọghe Jọn 16:8

Rẹn gha ghi rre, ọ gha mu ẹn so agbọn aro ighe iran rri abe orukhọ, iran ba odẹ ẹmwata ku, kevbe ọghe ibuohiẹn Osanobua.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iwinna 16:29

Eseghan ni keghi wẹ ne iran mu ukpa rre, ọ keghi gbe egbe la owa, ọ keghi de fi akharha Pọl kevbe Sailas, ọ na gha guọ zẹzẹzẹ.

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

Ebe ne Pọl gbẹẹn gie emwa Rom 8:26

Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

I Kọrinti 2:12

Ẹ i re ekhọe agbọn na ọre a rhie ne ima, Orhiọn ne Osanobua rhie ne ima.

II Kọrinti 11:4

Rhunmwuda, ẹko rhiẹnrhiẹn mwẹ ọre uwa ya rhie ẹghẹ ne ọmwaikọmwa ne ọ rre do kpe orhu Jesu ọvbehe ma uwa, ẹ i re ne ima kpe orhu ẹre, wa ghi vbe gha rhan obọ miẹn orhiọn kevbe iyẹn ne ọ maa ne ọ lughaẹn ne Orhiọn kevbe iyẹn ne ọ maa ne uwa rhie vbe obọ ima!

Galatia 2:4

A gha rhe miẹn wẹ, emwa eso ni tie egbe iran etẹn mwa ni deba ima, te gha ho ne iran rhuẹ ọre. Iran na keghi rẹnrẹn la uwu ẹbu zẹ vbe ọ rhẹ, ne iran do ghe vbene ima ghi re emwa ni fanmwẹ egbe ua hẹ, rhunmwuda ighẹ ma ye egbe ba Jesu Kristi. Iran te ho ne iran ye ima khian eviẹn.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

Ẹfisọs 1:5

Osanobua tae nẹ wẹ vbe ekpa Jesu Kristi, rẹn gha silo ima rrie egbe ne ima do gha re ivbi ẹre, vbene ọ yẹ ọre, kevbe vbene ọ mwamwa ẹn ọre ọna khin.

II Timoti 1:7

Rhunmwuda, Orhiọn ne Osanobua rhie ne ima, ẹ i re ne ọ ya ima vbiẹre sokpan, te Orhiọn rẹn ya ẹtin vuọn ima kevbe aho ẹmwẹ ọmwa kevbe i ziengbe.

Hibru 2:15

Ọ keghi la odẹ vbenian fannọ iran ye otọ ighẹ avbe emwa ni te rhunmwuda ohan uwu gha re eviẹn vbe ẹdẹ agbọn iran hia.

Jems 2:19

Wẹ yayi wẹ, Osanobua ọkpa kẹkan ọre ọ rrọọ, ọ wa maa. Avbe orhiọn dan vbe yayi, te iran ye guọ zẹzẹzẹ ba ẹmwẹ ohan.

I Jọn 4:18

Ohan i rre aho ẹmwẹ ọmwa, aho ẹmwẹ ọmwa ne ọ gbae, te ọ khu ohan hia kua. Rhunmwuda ọnii, ọmwa ne afianma fian, aho ẹmwẹ ọmwa rẹn, a ma he ya ẹe khian ne ọ gbae, rhunmwuda, ọnii a gha rri ọmwa oya ọre ọ mu ohan khian.