Ebe ne Pọl gbẹẹn gie emwa Rom 8:10 - Edo Bible (E Baibol Ẹdo) Version 1996

¹⁰ A deghẹ Kristi rre uwu uwẹ, a gha rhe miẹn wẹ ikinnegbe ruẹ wu rhunmwuda orukhọ, sokpan, Orhiọn kegha re arrọọ nuẹn rhunmwuda a dọlọ uwẹ kugbe ba Osanobua nẹ.

Ebe ne Pọl gbẹẹn gie emwa Rom 8:10 ပူးပေါင်းရင်းမြစ်များ

Levitikọs 13:40

Eto ọmwa gha khuọn kua vbe odieke ra odaro uhunmwu, ọnii ma mu awua gie ẹe.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 15:5

“Mẹ ọrọre erhan azara, wa ọrọre abọ. Ọmwa ne ọ rhirhi di uwu imẹ ya, mẹ na vbe di uwu ẹre ya, gha mọ ẹsẹse, rhunmwuda vbe ne imẹ i na rre evba, emwi ọkpa ne uwa gha sẹtin ru i rrọọ.

Iyẹn ne ọ Maan Ọghe Jọn 17:23

Mẹ vbe uwu iran, wẹ vbe uwu imẹ, ne iran miẹn ehe na wa gha re ọkpa, ne agbọn miẹn ehe na rẹn ighẹ wẹ ọre ọ gele gie mwẹ, kevbe wẹ zẹ vbene u ho ẹmwẹ mwẹ, erriọ ọre u vbe ho ẹmwẹ iran.

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 6:54

Ọmwaikọmwa ne ọ rri efun egbe mwẹ, ọ na vbe wọn esagiẹn mwẹ, mwẹ arrọọ ne ẹ i fo, mẹ gha vbe huẹn ọnrẹn kpaegbe vbe ẹdẹ okiekie.

Iyẹn ne ọ Maan Ọghe Jọn 6:56

Ọmwa ne ọ rri efun egbe mwẹ, ọ na vbe wọn esagiẹn mwẹ, rre uwu imẹ, mẹ vbe rre uwu irẹn.

Ebe ne Pọl gbẹẹn gie emwa Rom 5:12

Obọ orhiọnkpa kẹkan ọre orukhọ la la agbọn, orukhọ keghi rhie uwu mwẹ obọ gha dee. Emwi ne ọ ghi ke ẹre ikian ọrọre wẹ uwu keghi sẹ egbe emwa ni rre agbọn na hia, rhunmwuda ighẹ ima hia ọre ọ ru orukhọ.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 8:11

A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.

I Kọrinti 15:45

Rhunmwuda, ebe kha re wẹ: “Adam ne okaro, te a yi ẹre emwi ne ọ rre agbọn,” sokpan Adam ne okiekie keghi re Orhiọn Osanobua ne ọ rhie arrọọ ne ọmwa.

II Kọrinti 13:5

Wa tobọ uwa gualotọ egbe uwa, ne uwa ghe ẹre deghẹ wa gele rrọọ vbe uwu iyayi. Iyayi ighẹ wa rẹnrẹn ighẹ Jesu Kristi re uwu uwa? Sokpan a ma gha kha ighẹ uwa wa ba odẹ ku nẹ.

II Kọrinti 4:11

Vbe ẹdẹ agbọn mwa hia, ma rhie uhunmwu da uwu, rhunmwuda Jesu, ne arrọọ ọghọe miẹn ehe na rhie egbe maa vbe egbe ne ọ sẹtin wu ọghe ima na.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 2:20

Ọre a ghi na miẹn nian wẹ, ẹ i re imẹ ọre ọ ghi rre agbọn ọvbehe, sokpan Kristi ọre ọ rre agbọn vbe uwu imẹ vbene I ghi ya rre agbọn na nian, iyayi ọre I ghi ya rrọọ vbe uwu ovbi Osanobua, ọmwa ne ọ ho ẹmwẹ mwẹ, ọ na rhie ẹdẹ agbọn rẹn mẹ.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Filipai 1:23

Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

I Tẹsalonaika 4:16

A gha họn urhu ne ọ gha datu, urhu ne ọ gha ta emwi ne a gha ru, urhu olotu avbe odibosa, urhu okpe ọghe Osanobua ẹghẹ nii, e Nọyaẹnmwa tobọ ẹre ghi tuorre ke ẹrinmwi gha dee. Iran ni ya Kristi yi vbe ẹghẹ ne iran na wulo, a ghi ka huẹn iran kpaegbe nẹ,

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”