Ebe ne Pọl gbẹẹn gie emwa Rom 7:8 - Edo Bible (E Baibol Ẹdo) Version 1996

⁸ Orukhọ keghi miẹn ehe la la mwẹ egbe vbe ne ọ ghi na rhie uhi mwẹ obọ do gha kpikpi mwẹ ne I gha ye aro ye emwi ẹrrẹe vbe odẹ ni bun ughughan. Rhunmwuda, akpawẹ uhi i rrọọ, emwi ne ọ wu ọre orukhọ khin.

Ebe ne Pọl gbẹẹn gie emwa Rom 7:8 ပူးပေါင်းရင်းမြစ်များ

Iyẹn ne ọ Maan Ọghe Mak 7:22

Oghẹ, arovbẹmwẹ, uyinmwẹ ẹrhia hia, erẹrẹ, ohoghe, igbọvo, ọtakhọ, itengbemu kevbe ukọnmwẹ.

Iyẹn ne ọ Maan Ọghe Jọn 15:22

Iran ghẹ i rri abe emwi rhọkpa akpawẹ mẹ ma rre do gu iran guan, vbene ọ ghi ye na nian, iran i ghi miẹn emwi mu ẹmwẹ orukhọ iran na.

Iyẹn ne ọ Maan Ọghe Jọn 15:24

Iran i ghẹ rri abe orukhọ rhọkpa akpawẹ mẹ ma sirra iran winna iwinna ne a ma he miẹn ọmwa ne ọ ka ru egbe ọre yi, vbe banbanna nian, iran miẹn iwinna ne I winnaẹn nẹ, iran na gha khọ ẹko Erha mwẹ bare.

Ebe ne Pọl gbẹẹn gie emwa Rom 3:20

Ọmwa ne ogha sẹtin la ekpa ighẹ ọ mu nene Uhi sẹ khian ọmwata vbe odaro Osanobua, ẹ i rrọọ. Emwi ne nene Uhi ru ọrọre ne ọ rhie ma ọmwa wẹ re, ọ ru orukhọ.

Ebe ne Pọl gbẹẹn gie emwa Rom 4:15

Izohu Osanobua ọre nene uhi si tuorre, sokpan ehe ne Uhi i ye, ọmwa i vbe rra uhi vbe evba.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 7:11

Rhunmwuda, orukhọ keghi miẹn ehe la la mwẹ egbe, ọ na rhie uhi mwẹ obọ gha rẹrẹ mwẹ, nene uhi nii ọre orukhọ ya gbe mwẹ uan.

Ebe ne Pọl gbẹẹn gie emwa Rom 7:13

Ọnii rhie maa wẹ, te emwi ne ọ ma ghi gbe mwẹ uan ra? Hiehiere. Orukhọ ọre ọ ruẹe. Orukhọ keghi ya rhie emwi ne ọ maa mwẹ obọ, ya rhie uwu bu mwẹ gha dee, ne vbene ọ ye hẹ ne a na gha tie ẹre orukhọ, miẹn ehe na vẹ ne agbọn rẹn. Erriọ a miẹn ọẹn wẹ uhi ọre ọ ghi ruẹe, ne orukhọ na dọlegbe khian ne ọ kakabọ re orukhọ sẹ ayọ.

Ebe ne Pọl gbẹẹn gie emwa Rom 7:17

Ọnii rhie maa wẹẹ ẹ i re imẹ ọre ọ wa ru avbe emwi na, sokpan orukhọ ne ọ rre uwu imẹ ọre ọ ruẹe.

Ebe ne Pọl gbẹẹn gie emwa Rom 7:9

Mẹ tobọ mwẹ ka gha rre agbọn yi vbe ne uhi i na rre evba, sokpan, a ghi yi uhi nẹ nian, orukhọ keghi rhiọrre, mẹ na ghi wu.

I Kọrinti 15:56

Obọ orukhọ ọre uwu na miẹn ẹtin ne ọ ya kuan ọmwa rhie, obọ nene Uhi ọre orukhọ na miẹn rhie.