Ebe ne Pọl gbẹẹn gie emwa Rom 7:7 - Edo Bible (E Baibol Ẹdo) Version 1996

⁷ Vbe a ghẹ ghi ta ẹ hẹ yi khekherriọ? We nene Uhi tobọ ẹre ighẹ emwi orukhọ nọ ra? Hiehie re. sokpan nene Uhi ọre ọ ma mwẹ emwi ne ọ re orukhọ, rhunmwuda mẹ i ghẹ te rẹn emwi ne ọ re a ya aro ye emwi ẹrrẹ, akpawẹ nene Uhi ma kha wẹẹ, “Ghẹ ye aro ye emwi ẹrrẹe.”

Ebe ne Pọl gbẹẹn gie emwa Rom 7:7 ပူးပေါင်းရင်းမြစ်များ

Gẹnẹsis 3:6

Okhuo nii keghi miẹn vbene erhan nii ma egbe hẹ, kevbe ne ọmọ rẹn vbe rhie aro re hẹ, kevbe wẹ emwi esi gha nọ adeghẹ ọmwa waan. Ẹre ọ na rhie vbe ọmọ erhan nii, ọ na rri ọe. Ọ keghi rhie ne ọdọ ẹre vbọ, rẹn keghi vbe rri ọe.

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

Psalm 119:96

I gualọ ẹe miẹn nẹ wẹ emwi hia mwẹ okhiẹ sokpan, ne ọ gba fo ọ re iyi ruẹ khin.

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Matiu 5:28

Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre.

Iyẹn ne ọ Maan Ọghe Luk 12:15

Rẹn keghi tama iran hia wẹẹ, “Wa mwẹ ẹwaẹn ne uwa vbe gha ba egbe vbe egbe arovbẹmwẹ. Rhunmwuda, vbene ọmwa arhirhi yan fe sẹ, ẹ i re emwi ne ọ mwẹ ọrọre Orhiọn rẹn.”

Iyẹn ne ọ Maan Ọghe Luk 20:16

Ọ gha re, ọ ghi do gbele iran uan, ọ ghi mu ugbo ni ne emwa ọvbehe gha gbearoghe.” Avbe emwa nii ghi họn ẹmwẹ na, iran wẹẹ, “Awua ne Osanobua.”

Iwinna 20:33

I ma ye aro ye ẹrọnmwọ, oze ra ukpọn ọmwaikọmwa.

Ebe ne Pọl gbẹẹn gie emwa Rom 13:9

Avbe uhi na, “Ghẹ ghẹ, ghẹ di zigha, ghẹ rha, ghẹ ye aro ye emwi ẹrrẹe,” ena hia kevbe ọvbehe ne ọ rhirhi gha khin, uhi ọkpa ọre a ya fian ehia ifi wẹ, “Ho ẹmwẹ ogieva ruẹ zẹ vbene u ho ẹmwẹ egbe ruẹ.”

Ebe ne Pọl gbẹẹn gie emwa Rom 3:20

Ọmwa ne ogha sẹtin la ekpa ighẹ ọ mu nene Uhi sẹ khian ọmwata vbe odaro Osanobua, ẹ i rrọọ. Emwi ne nene Uhi ru ọrọre ne ọ rhie ma ọmwa wẹ re, ọ ru orukhọ.

Ebe ne Pọl gbẹẹn gie emwa Rom 3:5

Sokpan a deghẹ a ghi miẹn wẹ emwi ne ima baku ru ọre ọ zẹẹ ighẹ a rẹn vbene Osanobua ru emwi ẹse hẹ vbo? Vbe ima gha ghi kha hẹ? Wẹ Osanobua ma ru ẹe ẹse vbe ọ gha rri ima oya? (Vbene emwa ne agbọn guan ọre I guan na.)

Ebe ne Pọl gbẹẹn gie emwa Rom 4:1

Vbe ima gha kha hẹ khekherriọ vbe ekpa ọghe Ebraham ne erha mwa odede? Vbekpa emwi ne ọ sunu vbe egbe ẹre.

Ebe ne Pọl gbẹẹn gie emwa Rom 4:15

Izohu Osanobua ọre nene uhi si tuorre, sokpan ehe ne Uhi i ye, ọmwa i vbe rra uhi vbe evba.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 6:15

Vbe a ghi ta ẹe hẹ nian? Te ima ghẹ ghi gha ru orukhọ ra rhunmwuda ighẹ ma i rre ototọ uhi, ighẹ ototọ ẹse ọhẹ Osanobua ọre ima ye? a wua.

Ebe ne Pọl gbẹẹn gie emwa Rom 7:11

Rhunmwuda, orukhọ keghi miẹn ehe la la mwẹ egbe, ọ na rhie uhi mwẹ obọ gha rẹrẹ mwẹ, nene uhi nii ọre orukhọ ya gbe mwẹ uan.

Ebe ne Pọl gbẹẹn gie emwa Rom 7:13

Ọnii rhie maa wẹ, te emwi ne ọ ma ghi gbe mwẹ uan ra? Hiehiere. Orukhọ ọre ọ ruẹe. Orukhọ keghi ya rhie emwi ne ọ maa mwẹ obọ, ya rhie uwu bu mwẹ gha dee, ne vbene ọ ye hẹ ne a na gha tie ẹre orukhọ, miẹn ehe na vẹ ne agbọn rẹn. Erriọ a miẹn ọẹn wẹ uhi ọre ọ ghi ruẹe, ne orukhọ na dọlegbe khian ne ọ kakabọ re orukhọ sẹ ayọ.

Ebe ne Pọl gbẹẹn gie emwa Rom 7:5

Rhunmwuda, ẹghẹ ne ima na gha ru vbene ọ khọn ikinnegbe mwa, avbe emwi orukhọ ne nene Uhi gi ẹe gha viẹn ye ọmwa aro, keghi ya ima winna ẹsẹse ne uwu.

Ebe ne Pọl gbẹẹn gie emwa Rom 7:8

Orukhọ keghi miẹn ehe la la mwẹ egbe vbe ne ọ ghi na rhie uhi mwẹ obọ do gha kpikpi mwẹ ne I gha ye aro ye emwi ẹrrẹe vbe odẹ ni bun ughughan. Rhunmwuda, akpawẹ uhi i rrọọ, emwi ne ọ wu ọre orukhọ khin.

I Kọrinti 15:56

Obọ orukhọ ọre uwu na miẹn ẹtin ne ọ ya kuan ọmwa rhie, obọ nene Uhi ọre orukhọ na miẹn rhie.

Ẹfisọs 5:3

Vbene a na miẹn wẹ emwa Osanobua wa khin, ẹ i re emwi ne ọ gbae ne a zẹdẹ gha họn ẹmwẹ alama oghẹ, ra ohọhọ ra uzuanmwẹ, vbe ehe ne uwa ye.

Diuteronomi 5:21

“ ‘Ghẹ yaro ye amwẹ ọmwa ọvbehe. Ghẹ yaro ye owa ẹre, ra otọe ẹre, ra eviẹn ọnrẹn, ra ẹmila ẹre ra ekẹtẹkẹtẹ ọ re ra emwikemwi ni ghi re Ọghe ọe.’

Kọlose 3:5

Rhunmwuda ọnii, wa ghi gbe ẹe ua ighẹ orriarria emwi agbọn na ne ọ rre uwu uwa, avbe oghẹ, ohọhọ, ufifimwẹ, aro ne ọ viẹn ye emwi kevbe arovbẹmwẹ (rhunmwuda, te arovbẹmwẹ vbe ye vbe ẹbọ ne a gho.)

I Tẹsalonaika 4:5

Ẹ i re rhunmwuda orriarria, zẹ vbene avbe iran ni ga ẹbọ ni ma rẹn Osanobua ru.

Hibru 7:19

Rhunmwuda, Uhi e Mosis i sẹtin ya emwikemwi khian ne ọ gbae fo. Wanwanna nian, a rhie idaehọ ọkpa ne ọ maa sẹ, ye otọ nẹ, ne ima gha la bu Osanobua gha dee.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”