Ebe ne Pọl gbẹẹn gie emwa Rom 7:25 - Edo Bible (E Baibol Ẹdo) Version 1996

²⁵ Ekpọnmwẹ nọ ne Osanobua, vbekpa Nọyaẹnmwa Jesu Kristi. Vbene ọ ye mwẹ hẹ ọre ọna khin: vbe ọghe obọ mwẹ, ekhọe mwẹ ọkpa ọre I ya ru vbene Osanobua kha re, vberriọ ikinnegbe mwẹ, vbene orukhọ kha re, ọre ọ ru.

Ebe ne Pọl gbẹẹn gie emwa Rom 7:25 ပူးပေါင်းရင်းမြစ်များ

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 49:9

I gha tama avbe oleghan wẹẹ, ‘Wa kpao ighẹ a fannọ uwa kua nẹ kevbe iran ni rre uwu ebiebi wẹ wa ladian gha die uwu uwanmwẹ.’

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

I Kọrinti 15:57

Sokpan, a kpọnmwẹ Osanobua nọ la ekpa Jesu Kristi rhie akhọnmiotọ ne ima.

II Kọrinti 9:15

Wa gie a kpọnmwẹ Osanobua ye ẹse ẹre ne a i sẹtin fian ive yi.

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Filipai 4:6

Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.