Ebe ne Pọl gbẹẹn gie emwa Rom 7:24 - Edo Bible (E Baibol Ẹdo) Version 1996

²⁴ Ọ sẹ mwẹ sẹ egbe mwẹ! Gha ọ ghi ra fan mwẹ hin obọ ikinnegbe ne ọ si mwẹ khian ya rhie gbe ua na?

Ebe ne Pọl gbẹẹn gie emwa Rom 7:24 ပူးပေါင်းရင်းမြစ်များ

I Ọba 8:38

u ghi danmwehọ erhunmwu iran. A deghẹ ọmwaikọmwa vbe uwu ivbi Izrẹl ne emwa ruẹn ighẹ emwi na ba so ẹe vbe ekhọe, iran na niẹn obọ da Ọgua Osa na na erhunmwu,

Psalm 102:20

Ọ họn eve ikhiẹkhiegbe ọghe iran ni rre ẹwẹdọ ọ na fannọ iran ne a bu ohiẹn uwu gbe kua.

Psalm 119:131

Vbe uwu ne I na gualọ iyi ruẹ khian, te I ghi rhan unu ye otọ gha hẹwẹ fuẹnfuẹn.

Psalm 119:143

Mẹ vuọn ne ohawa kevbe ukpokpo, sokpan, iyi ruẹ ya ọyẹnmwẹ sẹ mwẹ.

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 119:20

Te udu mwẹ ghi fi ye ne I na rhie aro ye odẹ, I ho ne I rẹn ibuohiẹn ruẹn vbe ẹghẹ hia.

Psalm 38:2

U ya ifẹnmwẹ ruẹn kuan mwẹ nẹ, u gbe mwẹ fi otọ nẹ.

Psalm 6:6

Akhiẹ dunmwu mwẹ uan nẹ, asọn asọn ọ re ukpo mwẹ ya lẹ amẹ, ameve keghi ro ye ukohunmwu mwẹ.

Psalm 71:11

Iran wẹẹ, “Osanobua hee ẹe ye otọ nẹ wa gia khu ẹe ne a muẹn ọmwa ne ọ gha miẹn rẹn fan i rrọọ.”

Psalm 72:12

Rẹn miẹn avbe ivbiogue, ni kpe tie ẹre fan deba iran ne ẹ i mwẹ kevbe ne a he.

Psalm 88:5

A he mwẹ ye otọ ba avbe ikun orinmwi mẹ ye vbe emwa ne a gbele ni lovbiẹ ye uwu idin iran iran ne uwẹ mianmian ẹn fẹfẹẹfẹ emwa ni i ghi gie uwẹ ru iyobọ na.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Maika 7:19

U gha dọlegbe tohan mwa uhukpa bare. U gha ya owẹ rrilo orukhọ mwa mu otọ u ghi kpolo ẹe ku ototọ okun!

Matiu 5:4

Ọ maa ne iran ni khiẹ, Osanobua gha fu iran ẹko rre!

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Ebe ne Pọl gbẹẹn gie emwa Rom 6:6

Rhunmwuda, ma rẹn ọnọna wẹ a gbe emwi ne ima te khin uan nẹ ba Kristi vbe uhunmwu ugbugbe ẹre, ne a miẹn ehe na fuẹn uan ighẹ ẹtin egbe nọ re ọghe orukhọ, ne ima ghẹ gha re ọviẹn orukhọ ọvbehe.

Ebe ne Pọl gbẹẹn gie emwa Rom 8:13

Rhunmwuda, deghẹ wa wa ru vbene egbe, zẹ vbene a yi ẹe tama uwa, wa gha wulo, sokpan deghẹ wa la ekpa Orhiọn fuẹn iwinna orukhọ uwa, wa gha fe.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

Ebe ne Pọl gbẹẹn gie emwa Rom 8:26

Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

Kọlose 2:11

Wa ghi ya egbe ba irẹn nẹ, wa keghi do khian emwa ne a rhuẹ re, ẹ i re egbe a rhuẹ ne emwa ne agbọn ya obọ ru, sokpan arhuẹ ọghe Kristi tobọ ẹre ne ọre a rhan ọmwa vbe irri hin obọ egbe orukhọ na rre.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 2:15

Ọ keghi la odẹ vbenian fannọ iran ye otọ ighẹ avbe emwa ni te rhunmwuda ohan uwu gha re eviẹn vbe ẹdẹ agbọn iran hia.

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”