Ebe ne Pọl gbẹẹn gie emwa Rom 7:21 - Edo Bible (E Baibol Ẹdo) Version 1996

²¹ Mẹ keghi do miẹn wẹ, emwi ne ọ sunu ọrọre wẹ, mẹ gha wẹ ne I ru emwi esi, emwi dan ọkpa ọre ẹtin mwẹ sẹ.

Ebe ne Pọl gbẹẹn gie emwa Rom 7:21 ပူးပေါင်းရင်းမြစ်များ

Psalm 119:133

Da mwẹ yi ne I ghẹ de, zẹ vbene u khare; ghẹ gie ọkhọ siẹn yan mwẹ ginna otọ.

Psalm 119:37

Rhie mwẹ aro hin emwi oya rre, gha ru mwẹ ẹse vbene u yan rẹn.

Psalm 40:12

Orueghe nibun lẹga mwẹ ọ bun gbe, a i sẹtin ka ẹe. Obọ orukhọ mwẹ vba mwẹ, mẹ i ghi sẹtin bẹghe, iran bun sẹ eto ne uhunmwu mwẹ ẹtin fo mwẹ nẹ.

Psalm 65:3

Abakuru mwa munọ ima gbotọ, sokpan, wẹ keghi ya iran bọ mwa.

Iyẹn ne ọ Maan Ọghe Luk 4:1

Jesu keghi werriegbe ke Jọdan gha dee, Ọ vuọn ne Orhiọn Ne ọ huanrẹn, Orhiọn keghi gban ẹre uhunmwu gha rrie uwu ato.

Iyẹn ne ọ Maan Ọghe Jọn 8:34

Jesu tama iran wẹẹ, “Ẹmwata I tama uwa, ọmwa ne ọ rhirhi ru orukhọ, ọviẹn orukhọ nọ.

Ebe ne Pọl gbẹẹn gie emwa Rom 6:12

Ọ ma kei ne orukhọ gha khaemwisẹ yan ikinnegbe uwa ne ọ gha he wu na ọvbehe, ne uwa ghẹ ghi gha ru vbe ne ikinnegbe uwa kẹkan ho.

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 7:23

Sokpan emwi ọvbehe ọre ọ sunu vbe ikinnegbe mwẹ, ọnii nọ wẹ, emwi ne ọ gu emwi ne ekhọe mwẹ ye obọ yi gbinna, ọ keghi do ya mwẹ khian oghunmwu emwi orukhọ ne ọ zẹ evbọguẹe ru vbe ikinnegbe mwẹ.

Ebe ne Pọl gbẹẹn gie emwa Rom 7:25

Ekpọnmwẹ nọ ne Osanobua, vbekpa Nọyaẹnmwa Jesu Kristi. Vbene ọ ye mwẹ hẹ ọre ọna khin: vbe ọghe obọ mwẹ, ekhọe mwẹ ọkpa ọre I ya ru vbene Osanobua kha re, vberriọ ikinnegbe mwẹ, vbene orukhọ kha re, ọre ọ ru.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

II Pita 2:19

Iran ghi gha tama iran wẹ iran gha khian enọyan egbe iran, vberriọ iran tobọ iran, eviẹn emwi ne egbe guẹe ne ọ fuẹn emwa uan, ọre iran khin, rhunmwuda, ọviẹn emwi ni ne obọ ẹre ghi gba ọmwa nẹ, ọre ọmwa khin.