Ebe ne Pọl gbẹẹn gie emwa Rom 7:15 - Edo Bible (E Baibol Ẹdo) Version 1996

¹⁵ Me ma rẹn vbene I ru emwi hẹ rhunmwuda ẹ i re emwi ne ọ rrọ mwẹ ekhọe ne I ru ọre I gele ru, sokpan emwi ne ọ sọnnọ mwẹ ọre I ru.

Ebe ne Pọl gbẹẹn gie emwa Rom 7:15 ပူးပေါင်းရင်းမြစ်များ

I Ọba 8:46

“A deghẹ emwa ruẹn ghi rukhọ ghe ruẹ, rhunmwuda a i miẹn ọmwa ne ẹ i ru orukhọ, ighẹ ohu mu ẹẹn, u na gie obọ eghian iran ke okhunmwu ne iran, iran na viọ iran oghunmwu gha rrie otọe ẹvbo ọvbehe, vbene ọ rhirhi rrei sẹ hẹ,

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Psalm 119:104

I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Psalm 119:113

Ohu iran ni ma guobọ ruẹ fo mu mwẹ, sokpan, I ho ẹmwẹ uhi ruẹ.

Psalm 119:128

Rhunmwuda ọnii, mẹ lele igiodẹ ruẹ hia; I keghi vbe sọnnọ odẹ ne ọ ma gba hia.

Psalm 119:163

Te ohoghe ye ẹko hu mwẹ rhunmwuda, ọ sọnnọ mwẹ, sokpan, uhi ruẹ yẹ mwẹ.

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 119:40

I ho ne I gha mu iyi ruẹ sẹ rhie arrọọ ọgbọn mẹ, rhunmwuda, ọmwata ọ re uwẹ khin.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 65:3

Abakuru mwa munọ ima gbotọ, sokpan, wẹ keghi ya iran bọ mwa.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Itan 13:5

Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Iyẹn ne ọ Maan Ọghe Luk 11:48

Te uwa ghi ye ọ na kha ighẹ wa yobọ yọ ighẹ emwi esi ọre avbe erha uwa ru, rhunmwuda, iran gbele avbe akhasẹ nẹ, wa na do mannọ idin iran.

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Ebe ne Pọl gbẹẹn gie emwa Rom 14:22

Rhunmwuda ọnii vbene uwẹ a rhirhi roro ẹmwẹ na yi, giẹe gha rre ẹkpo uwẹ vbe Osanobua.

Ebe ne Pọl gbẹẹn gie emwa Rom 7:16

A deghẹ ẹ i re emwi ne ọ rrọ mwẹ ekhọe ne I ru, ọre I gele ru, ọnii rhie maa ighẹ mẹ rhie obọ yọ wẹ nene uhi gbae.

Galatia 5:17

Rhunmwuda emwi ne ikinnegbe mwa ho, wa lihan ne emwi ne Orhiọn Ne Ọ Huanrẹn ho. Emwi ne Orhiọn Ne Ọ Huanrẹn ho, vbe lihan ne emwi ne ikinnegbe ho, oghian egbe ọre iran eva khin, ọnii rhie maa wẹ, wẹ i sẹtin ru emwi ne ọ rre uẹ ekhọe.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

Ebe ne Jud gbẹẹn 1:23

Wa ghi miẹn iran fan vbe ekpa ne uwa gha na sanmwẹ iran ke uwu ọgẹn erhẹn ladian. Wa vbe gha mwẹ itohan ne a rhie ohan ba ghe emwa ọvbehe, sokpan wa gie ukpọn ne ẹkun iran, ne orriarria orukhọ iran ya iruẹn yi, gha sọnnọ uwa.