Ebe ne Pọl gbẹẹn gie emwa Rom 6:4 - Edo Bible (E Baibol Ẹdo) Version 1996

⁴ Vbe ekpa ne a na sa amẹ ne ima, te a re ima ba irẹn, ma keghi vbe ghae vbe uwu ne irẹn wu, wẹ vbene a huẹn Jesu kpao vbe orinmwi vbe ekpa ẹtin Uyi ọghe Evbavba, erriọ zẹẹ ọre ima gha vbe gha rrọọ vbe uyinmwẹ ọgbọn.

Ebe ne Pọl gbẹẹn gie emwa Rom 6:4 ပူးပေါင်းရင်းမြစ်များ

Iyẹn ne ọ Maan Ọghe Jọn 11:40

Jesu tama rẹn wẹẹ, “Mẹ ma tama ruẹn nẹ wẹẹ u gha miẹn uyi Osanobua adeghẹ u yayi.”

Iyẹn ne ọ Maan Ọghe Jọn 2:11

Jesu keghi winna iwinna ọyunnuan ne okaro na vbe uwu avbe iwinna ọyunnuan nekhua hia ne ọ winnaẹn, vbe Kana ne Galili, rẹn keghi rhie uyi ẹre maa vbe evba, avbe erhuanegbe ẹre keghi yae yi.

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Iwinna 2:32

“Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Ebe ne Pọl gbẹẹn gie emwa Rom 6:19

I ta ẹe vbene a wa ya guan kẹkan, rhunmwuda, wa ma he wegbe vbe oghẹ vbene a yi uwa hẹ. Vbe ẹghẹ ọkpa yi, wa ke wa zẹ egbe uwa obọ fẹẹrẹ zẹ vbe eviẹn ne emwi iruẹn kevbe ekhọe dan, ne a miẹn ehe na gha ru emwi dan. Vbe odẹ vberriọ zẹ, wa vbe zẹ egbe obọ fẹẹrẹ nian, zẹ vbe eviẹn emwi ẹmwata ne a ya gha ru emwi ne ọ huanrẹn.

Ebe ne Pọl gbẹẹn gie emwa Rom 6:3

Wa ma rẹn ra ighẹ, ẹghẹ ne a na sa amẹ ne ima ba Kristi Jesu, ighẹ te a sa amẹ ne ima kugbe ba uwu ne ọ wu.

Ebe ne Pọl gbẹẹn gie emwa Rom 6:8

Deghẹ ma deba Kristi wu, ma yayi ighẹ ma gha vbe guee gha rrọọ.

Ebe ne Pọl gbẹẹn gie emwa Rom 6:9

Rhunmwuda ma rẹnrẹn ighẹ a huẹn Jesu kpao vbe idin rre nẹ, ẹ ghi wu ọvbehe, uwu i ghi mwẹ ẹtin vbe uhunmwu ẹnrẹn ọvbehe.

Ebe ne Pọl gbẹẹn gie emwa Rom 7:6

Vbene ọ rhirhi gha ye hẹ, vbe banbanna nian, ma i ghi rre obọ nene Uhi, rhunmwuda, ma wulo hin emwi ne ọ te ka munọ ima zẹ vbe oghunmwu yi, rre nẹ. ma i ghi lele oba uhi nẹdẹ ne a gbẹnnẹ ye otọ ru emwi, sokpan, ọ ghe odẹ ọgbọn ne Orhiọn khare.

Ebe ne Pọl gbẹẹn gie emwa Rom 8:11

A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.

I Kọrinti 6:14

Osanobua ne ọ huẹn Nọyaẹnmwa kpao vbe orinmwi, ọ gha vbe ya ẹtin ẹnrẹn huẹn ima kpaegbe.

II Kọrinti 13:4

Rhunmwuda, a gha rhe miẹn wẹ, uwu a ma wo vbe egbe ọre a na gbe ẹe rua vbe uhunmwu ugbugbe, ẹtin Osanobua ọre ọ ya rrọọ. Ma ghẹ ghi ya egbe ba irẹn nẹ, ma ghi vbe do gha re ne ọ ma wo vbe egbe, sokpan zẹ vbe ọ ghe ne ọ kan ima kan uwa, ẹtin Osanobua ma khian ya gu irẹn gha rrọọ.

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Kọlose 3:10

Wa keghi vbe mu ọghọgbọn yọ, ọnọna ọrọre ọmwa ọgbọn nii ne Osanobua nọ yi ẹe fi werriẹ, khian ama ọghọe, ne ọ miẹn ehe na do gie uwa rẹn irẹn fo.

Kọlose 4:1

Wa ne arowa, wa gha ya obọ ne ọ kere kevbe ne ọ maa mu avbe eviẹn uwa. Wa yerre ighẹ wa tobọ uwa vbe mwẹ Arowa vbe ẹrinmwi.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.

I Jọn 2:6

Ọmwa ne ọ kha re ighẹ uwu Osanobua ọre irẹn ye, we ne ọ gha yin zẹ vbene Jesu Kristi yinrin.