Ebe ne Pọl gbẹẹn gie emwa Rom 6:3 - Edo Bible (E Baibol Ẹdo) Version 1996

³ Wa ma rẹn ra ighẹ, ẹghẹ ne a na sa amẹ ne ima ba Kristi Jesu, ighẹ te a sa amẹ ne ima kugbe ba uwu ne ọ wu.

Ebe ne Pọl gbẹẹn gie emwa Rom 6:3 ပူးပေါင်းရင်းမြစ်များ

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iwinna 19:5

Iran ghi họn ọnọna, a keghi ya eni Nọyaẹnmwa Jesu sa amẹ ne iran.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 8:16

Rhunmwuda Orhiọn Ne Ọ Huanrẹn ma he tuorre yan iran rhọkpa, te a he ya eni Nọyaẹnmwa Jesu sa amẹ ne iran kẹkan.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

Ebe ne Pọl gbẹẹn gie emwa Rom 6:8

Deghẹ ma deba Kristi wu, ma yayi ighẹ ma gha vbe guee gha rrọọ.

Ebe ne Pọl gbẹẹn gie emwa Rom 7:1

Vbe ne ẹmwata, wa hia rẹn otọ ẹmwẹ ne I ra ta na etẹn mwẹ, rhunmwuda wa hia ọre ọ rẹn uhi, ẹghẹ ne ọmwa na rre agbọn ọre uhi na mwẹ ọdakha vbe uhunmwu ẹnrẹn.

I Kọrinti 10:2

A keghi sa amẹ ne iran hia vbe uwu okuku kevbe uwu okun zẹ vbe emwa ni lele Mosis khian.

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

I Kọrinti 15:29

Avbe iran ne a ghi sa amẹ na ne ni wulo nẹ vbo? De emwi ne iran mwẹ idanmwehọ ẹre wẹ iran gha sẹtin la ẹe miẹn? A deghẹ ẹmwata nọ, vbe ne iran tae khian na ighẹ a i huẹn eniwulo kpaegbe vbe idin, vbe a ghi na sa amẹ ne iran ni wulo nẹ hẹ?

I Kọrinti 3:16

Vbe ne ẹmwata, wa rẹnrẹn ighẹ, Ọgua Osa ọre uwa khin, kevbe wẹ, Orhiọn Osanobua di uwu uwa ya.

I Kọrinti 5:6

Ọ ma kei ne uwa na tọn egbe mu! Wa ma họn vbe a ya ẹe kpa itan wẹ, “Eyist kherhe ọre ọ ya ebrẹd hia hue.”

I Kọrinti 6:19

Wa ma rẹn ighẹ owa Orhiọn Ne Ọ Huanrẹn ọ re egbe uwa khin, Orhiọn Ne Ọ Huanrẹn ne Osanobua rhie ne uwa, ne ọ rre uwu uwa? Wa i ghi re ọghe egbe uwa, ọghe Osanobua ọre uwa khin.

I Kọrinti 6:9

Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.

I Kọrinti 9:24

Wa rẹnrẹn wẹ vbe ulẹ ne a na suan, emwa ni rre ulẹ nii hia ọre ọ rhie ulẹ, sokpan, arhin ọkpa kẹkan ọre ọ miẹn igho ọmẹguae ne ọ rrọọ. Rhunmwuda ọnii, wa rhulẹ vbene igho ọmẹguae gha na sẹ uwa obọ.

II Kọrinti 13:5

Wa tobọ uwa gualotọ egbe uwa, ne uwa ghe ẹre deghẹ wa gele rrọọ vbe uwu iyayi. Iyayi ighẹ wa rẹnrẹn ighẹ Jesu Kristi re uwu uwa? Sokpan a ma gha kha ighẹ uwa wa ba odẹ ku nẹ.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.