Ebe ne Pọl gbẹẹn gie emwa Rom 6:21 - Edo Bible (E Baibol Ẹdo) Version 1996

²¹ Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Ebe ne Pọl gbẹẹn gie emwa Rom 6:21 ပူးပေါင်းရင်းမြစ်များ

I Ọba 2:26

Ẹre Solomọn ne ọba na tama Abiata ne ohẹn wẹẹ, “Gha rrie Anatọt ne ẹvbo ruẹ. Te ọ te kei ne u wu sokpan, mẹ i ra gbe ue ua nian rhunmwuda, wẹ ọre ọ gha gbe aro ghe Ẹkpẹti Ile vbe u rre ehe ne erha mwẹ ye ighẹ Devid wẹ, vbe ghae vbe uwu ọlọghọmwa rẹn hia.”

Ẹzra 9:6

I keghi kha wẹẹ, “Osanobua ekhue i gunmwẹ tọn uhunmwu mu ghe ehe ne u ye. Orukhọ ima ma ite ne ọ yo gberra ima uhunmwu, iran yo sẹ iso.

Job 33:27

Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Psalm 73:17

Rhinrin mẹ te do gha rriẹ Ọgua Osa ruẹ, I keghi do rẹn emwi ne ọ ra rruan ọmwa dan.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 14:12

Odẹ ne uwẹ te ro wẹ ọ re ọghe ẹmwata sẹtin wa gha re ne a la sẹ uwu.

Itan 16:25

Emwi ne uwẹ wa ro wẹ ọnii ọrọre odẹ ẹmwata, sẹtin gha re odẹ ne ọ rrie uwu.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Jerimaia 12:13

Avbe emwa mwẹ kọ ọka, sokpan iran keghi ya rhọ irunmwu; iran kakabọ winna, sokpan, iran ma miẹn emwirhọkpa vbọ. Rhunmwuda ohu mwẹ ne ọ wegbe, emwiokọ iran ma maa.”

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 31:19

Ma fi iyeke gbe uwẹ sokpan, vbe ọ ma ghi kpẹe, ma keghi gha ho ne a werriegbe rre, ugbẹn vbe uwẹ ghi rri ima oya nẹ, ma keghi gha khua uhunmwu akhiẹ khian. Ekhue mu mwa, a fa ima an, rhunmwuda, ma rukhọ vbe ima ye giẹrẹ.’

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Ezikiẹl 43:11

Adeghẹ ekhue emwi ne iran ru mu iran, u ghi rhan otọ vbene a mwamwa Ọgua Osa na bọ hẹ ma iran vbene a mwaa rẹn hẹ, avbe ehe ne a la la rọ kevbe ehe ne a la ladian, vbene ọ khọe, vbene a mwamwa avbe emwi hia hẹ deba emwamwa kevbe ilele ni rrọọ. Gbẹnnẹ avbe emwi na hia yotọ ne iran miẹn ehe na miẹn vbene a mwamwa emwi hia hẹ, ne iran sẹtin gha ru vbene a kha re.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 5:12

Obọ orhiọnkpa kẹkan ọre orukhọ la la agbọn, orukhọ keghi rhie uwu mwẹ obọ gha dee. Emwi ne ọ ghi ke ẹre ikian ọrọre wẹ uwu keghi sẹ egbe emwa ni rre agbọn na hia, rhunmwuda ighẹ ima hia ọre ọ ru orukhọ.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Ebe ne Pọl gbẹẹn gie emwa Rom 7:5

Rhunmwuda, ẹghẹ ne ima na gha ru vbene ọ khọn ikinnegbe mwa, avbe emwi orukhọ ne nene Uhi gi ẹe gha viẹn ye ọmwa aro, keghi ya ima winna ẹsẹse ne uwu.

Ebe ne Pọl gbẹẹn gie emwa Rom 8:13

Rhunmwuda, deghẹ wa wa ru vbene egbe, zẹ vbene a yi ẹe tama uwa, wa gha wulo, sokpan deghẹ wa la ekpa Orhiọn fuẹn iwinna orukhọ uwa, wa gha fe.

Ebe ne Pọl gbẹẹn gie emwa Rom 8:6

A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

II Kọrinti 7:11

Wa ghe emwi ne Osanobua ye ẹko ne ọ rriara uwa na ru, vbene uwa ghi mu aro ye emwi hẹ, vbene uwa ghi ziga hẹ ne uwa rhie maa ighẹ, wa ma rẹn ọkpa wa ma rẹn eva. Egbe ohu nọkhua vberriọ egbe utumwẹ wa bu rre vberriọ, a mu emwi roro, a mu aro ye emwi, a mu egbe ne a ya gbe ọmwa hin ọkhọ rre! Wa keghi wa rhie egbe uwa zẹ vbe ọmwa ne ọ ma rri abe rhọkpa vbe uwu ẹmwẹ na.

Diuteronomi 17:6

Sokpan arhin eva ra eha gha sẹ osẹe gbe ọmwa, a sẹtin gbe ẹe rua, sokpan a ghẹ gbe ẹe rua vbe orhiọn ọkpa a sẹ osẹ gbe ẹe.

Diuteronomi 21:22

“A deghẹ ọmwa ru emwi dan, a na gbe ẹe rua yọ, a na si ikun ẹnrẹn rrọ ye erhan,

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.

Jems 1:15

Emwi dan ne ọ ho ghẹ ghi hanmwa nẹ, ọ ghi biẹ orukhọ, orukhọ ghẹ ghi wan nẹ, ọ ghi biẹ uwu.

Jems 5:20

wa ye ọ na rre. Ọmwaikọmwa ne ọ dia ọmwa orukhọ uhunmwu hin odẹ dan ne ọ te ye ladian, rẹn gha miẹn orhiọn ọmwa orukhọ nii fan hin obọ uwu, ọ ghi vbe gie a ya orukhọ ọkhọngborrie bọ ọmwa.

I Pita 4:17

Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?

I Jọn 2:28

Erriọ nọ, wa ne ivbi mwẹ, wa mudia vbe uwu irẹn, ne afianma ghẹ fian ima vbe ẹdẹ ne ọ gha ya egbe ladian, ne ima ghẹ ya ya ekhọe lẹre hin ehe ne ọ ye rre, vbe Ẹdẹ ne ọ gha rre.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 20:14

Iyeke ọnii, a keghi filo uwu, kevbe ẹvbo emwa ni wulo nẹ, ku uwu odighi erhẹn. (Odighi erhẹn na ọrọre uwu ne ogieva.)