Ebe ne Pọl gbẹẹn gie emwa Rom 6:2 - Edo Bible (E Baibol Ẹdo) Version 1996

² Hiehiere. Ma wu hin orukhọ rre nẹ, vbe a ghi ra na vbe dọlegbe gha yin uyinmwẹ ọnrẹn hẹ?

Ebe ne Pọl gbẹẹn gie emwa Rom 6:2 ပူးပေါင်းရင်းမြစ်များ

Gẹnẹsis 39:9

Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”

Psalm 119:104

I miẹn ẹwaẹn ruẹ vbe uhi ruẹ, rhunmwuda ọnii, uyinmwẹ dan rhọkpa i ghi yẹ mwẹ.

Iyẹn ne ọ Maan Ọghe Luk 20:16

Ọ gha re, ọ ghi do gbele iran uan, ọ ghi mu ugbo ni ne emwa ọvbehe gha gbearoghe.” Avbe emwa nii ghi họn ẹmwẹ na, iran wẹẹ, “Awua ne Osanobua.”

Ebe ne Pọl gbẹẹn gie emwa Rom 5:11

Sokpan ẹ i re erriọ ọ sẹe, te ima ghi sẹ ọyẹnmwẹ vbe uwu Osanobua vbe ekpa Nọyaẹnmwa Jesu Kristi ne ọ ya ima khian ọse Osanobua.

Ebe ne Pọl gbẹẹn gie emwa Rom 6:15

Vbe a ghi ta ẹe hẹ nian? Te ima ghẹ ghi gha ru orukhọ ra rhunmwuda ighẹ ma i rre ototọ uhi, ighẹ ototọ ẹse ọhẹ Osanobua ọre ima ye? a wua.

Ebe ne Pọl gbẹẹn gie emwa Rom 7:4

Vbe nian ọre ọ ye vbe egbe uwa, etẹn mwẹ. Zẹ vbe emwi ni la ghe odẹ ọghe nene Uhi, wa wulo nẹ, rhunmwuda, efẹn ọkpa vbe egbe Kristi ọre uwa khin. Banbanna nian, ọmwa ne a huẹn kpaegbe vbe idin ọre ọ ghi yan uwa, ne ima miẹn ehe na gha re ne ẹdẹ agbọn rẹn mwẹ esa ne ọ ye vbe ohọ Osanobua.

Ebe ne Pọl gbẹẹn gie emwa Rom 7:6

Vbene ọ rhirhi gha ye hẹ, vbe banbanna nian, ma i ghi rre obọ nene Uhi, rhunmwuda, ma wulo hin emwi ne ọ te ka munọ ima zẹ vbe oghunmwu yi, rre nẹ. ma i ghi lele oba uhi nẹdẹ ne a gbẹnnẹ ye otọ ru emwi, sokpan, ọ ghe odẹ ọgbọn ne Orhiọn khare.

Galatia 2:19

Vbene ọ rhirhi gha ye hẹ, vbe ọ ghe emwi ne ọ dekan nene Uhi, mẹ wu nẹ, nene Uhi tobọ ẹre ọre ọ vbe gbe mwẹ uan, ne I miẹn ehe na gha rre agbọn ne Osanobua. A gbe mwẹ uan ba Kristi nẹ vbe uhunmwu ugbugbe ẹre.

Galatia 6:14

Zẹ vbe ọghomwẹ, ẹmwẹ ugbugbe Nọyaẹnmwa Jesu Kristi ọkpa ọre I ra ya gha rhuọ, rhunmwuda, ẹmwẹ ugbugbe ẹre, ọre agbọn na ya khian orinmwi vbe obọ mwẹ, mẹ na vbe khian orinmwi vbe obọ agbọn na.

Kọlose 2:20

Wa deba Kristi wu nẹ, a keghi vbe fannọ uwa ye otọ vbe obọ avbe orhiọn ne ẹrinmwi, ni khaemwisẹ vbe ideghedeghe agbọn vbe ẹrinmwi. Vbọzẹ ne uwa na ruemwi yi zẹ vbene a miẹn wẹ ọghe agbọn na ọ re uwa ye khin? Vbọzẹ ne uwa na ye avbe uhi nii ru emwi yi, ni kha re wẹ,

Kọlose 3:3

Rhunmwuda, wa wulo nẹ, a keghi vbe rhie arrọọ ọwua lẹre ba Kristi vbe uwu Osanobua.

I Pita 1:14

Wa gha họn ẹmwẹ ne Osanobua, wa ghẹ gie a miẹn wẹ avbe emwi ne uwa te rriarria ba ẹghẹ ne uwa na he re ne ọ ma rẹn ne a ye, ye gha ma uwa emwi ne uwa gha ru.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Jọn 3:9

Ọmwaikọmwa ne ọre ovbi Osanobua, ẹ i sẹtin gha ru orukhọ khian, rhunmwuda, akpa ọghe Osanobua tobọ ẹre rre uwu ẹre, kevbe wẹ rhunmwuda ighẹ Osanobua ọrọre Erhae, rẹn i sẹtin gha ru orukhọ khian.