Ebe ne Pọl gbẹẹn gie emwa Rom 6:18 - Edo Bible (E Baibol Ẹdo) Version 1996

¹⁸ A fannọ uwa hin obọ orukhọ rre nẹ, wa ke do gha re eviẹn emwi ni re emwi ẹmwata.

Ebe ne Pọl gbẹẹn gie emwa Rom 6:18 ပူးပေါင်းရင်းမြစ်များ

Psalm 116:16

Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 119:45

Mẹ gha rrọọ, zẹ vbe ọmwa ne ọ yan egbe ẹre rhunmwuda mẹ hia ne I gha mu iruẹmwi ruẹn sẹ.

Aizaia 26:13

E Nọyaẹnmwa Osanobua mwa, emwa ọvbehe wa gha kha yan mwa, sokpan, wẹ okpa kẹkan ọrọre Nọyaẹnmwa.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 8:32

Wa gha rẹn ẹmwata ne ọ rrọọ, ẹmwata ni gha ya uwa khian enoyan egbe ẹre.”

Iyẹn ne ọ Maan Ọghe Jọn 8:36

Deghẹ Ọmọ ghi fan uwẹ fua, u ghi do khian enọ yan egbe ẹre vbe ẹmwata.

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

Ebe ne Pọl gbẹẹn gie emwa Rom 6:7

Rhunmwuda, ọmwa gha wu nẹ, a faẹn ye otọ hin obọ ẹtin orukhọ rre.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

I Pita 2:16

Wa gha ru emwi ọmwa ne ọ yan egbe ẹre, sokpan wa ghẹ ba muẹn, mẹ ọ yan egbe mwẹ gue aro gha zẹ iba, sokpan wa gha ru emwi zẹ vbe eviẹn Osanobua.