Ebe ne Pọl gbẹẹn gie emwa Rom 6:14 - Edo Bible (E Baibol Ẹdo) Version 1996

¹⁴ Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 6:14 ပူးပေါင်းရင်းမြစ်များ

Levitikọs 25:41

Ọ gha sẹ ẹghẹ nii rẹn vbe ivbi ẹre ghi sẹ uẹ rae, iran ghi dọlegbe gha rrie ẹgbẹe iran, iran ghi gha rrie ehe ne emwi ewe avbe erha iran odede ye.

Maika 7:19

U gha dọlegbe tohan mwa uhukpa bare. U gha ya owẹ rrilo orukhọ mwa mu otọ u ghi kpolo ẹe ku ototọ okun!

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Iyẹn ne ọ Maan Ọghe Jọn 8:36

Deghẹ Ọmọ ghi fan uwẹ fua, u ghi do khian enọ yan egbe ẹre vbe ẹmwata.

Ebe ne Pọl gbẹẹn gie emwa Rom 11:6

Itohan rẹn ọre ọ lele zẹ emwa ne ọ hannọ zẹ ighẹ ẹ i re rhunmwuda uyinmwẹ iran. Rhunmwuda, akpawẹ rhunmwuda uyinmwẹ emwa ọre Osanobua ya hannọ emwa zẹ, itohan rẹn i ghẹ ghi gha re itohan ẹmwata.

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

Ebe ne Pọl gbẹẹn gie emwa Rom 5:17

Ẹmwata nọ wẹẹ, vbe ekpa orukhọ ne orhiọnkpa kẹkan ru, uwu keghi hin ẹkete dia rhunmwuda orhiọnkpa nii. Sokpan u ma miẹn ọrhẹnrhẹn emwi ne a lae miẹn ighẹ emwi ne Jesu Kristi ne orhiọnkpa kẹkan ru, ya kpọlọ sẹ. Iran hia ne ẹse ọhẹ ne wọrhọ ọghe Osanobua sẹ ọre obọ, deba ọmwa ẹmwata ọghọe ne ọ ya ru ọmwa ẹse vbe ọhẹ, gha la ekpa Kristi gha khaemwisẹ vbe arrọọ.

Ebe ne Pọl gbẹẹn gie emwa Rom 5:18

Zẹ vbene orukhọ ya emwa hia rri abe, erriọ vbe nọ, emwi ẹmwata ọkpa ne a ru keghi vbe fannọ emwa hia ye otọ, ọ keghi vbe rhie arrọọ ne iran.

Ebe ne Pọl gbẹẹn gie emwa Rom 6:12

Ọ ma kei ne orukhọ gha khaemwisẹ yan ikinnegbe uwa ne ọ gha he wu na ọvbehe, ne uwa ghẹ ghi gha ru vbe ne ikinnegbe uwa kẹkan ho.

Ebe ne Pọl gbẹẹn gie emwa Rom 6:15

Vbe a ghi ta ẹe hẹ nian? Te ima ghẹ ghi gha ru orukhọ ra rhunmwuda ighẹ ma i rre ototọ uhi, ighẹ ototọ ẹse ọhẹ Osanobua ọre ima ye? a wua.

Ebe ne Pọl gbẹẹn gie emwa Rom 8:12

Rhunmwuda ọnii, etẹn mwẹ iwinna mwa nọ ne ima ghẹ gha ru vbene egbe mwa ho, zẹ vbene a yi ẹe khare.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Galatia 3:23

Sokpan vbe iyayi te do rre, nene Uhi keghi munọ ima hia gba nẹ zẹ vbe oleghan, rhinrin a te do rhie nene iyayi ladian ne a miẹn.

Galatia 4:21

I de ne I nọ uwa ni ho ne iran gha rre ototọ nene Uhi, wa ma rẹn vbene nene Uhi kha hẹ ra?

Galatia 5:18

A deghẹ Orhiọn Ne Ọ Huanrẹn ọre ọ dia ruẹ ye odẹ, ẹghẹ nii, wẹ i ghi rre ototọ nene Uhi.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.