Ebe ne Pọl gbẹẹn gie emwa Rom 5:7 - Edo Bible (E Baibol Ẹdo) Version 1996

⁷ Emwi ne ọ lọghọ nọ ọmwa te do wu ba ẹmwẹ ọmwa ne ẹ i ba emwi ku ru. Ughaghe a ghi miẹn ọmwa ne ọ gha sẹtin wu ne ọmwa esi.

Ebe ne Pọl gbẹẹn gie emwa Rom 5:7 ပူးပေါင်းရင်းမြစ်များ

II Samuẹl 18:27

Ọbodẹ nii keghi kha wẹẹ, “I miẹn nian wẹ ọmwa ne okaro rhulẹ vbe Ahimaz.” Ọba keghi kha wẹẹ, “Ọmwa esi nọ, iyẹn oghọghọ ọ re ọ dee do na.”

II Samuẹl 18:3

Iran wanniẹn tama rẹn wẹẹ, “Ghẹ lele ima yo hiehiere. A deghẹ ma hia werrie urhuawẹ ma na lẹ avbe eghian ima i ra vbe zẹ yọ, erriọ vbe nọ a deghẹ obọ ọkpa vbe a gha wa ima hia ye ihe eva vbe wulo. Sokpan, wẹ sẹ arriaisẹn igbe (10,000) vbe uwu ima. Emwi ne ọ gha kei sẹ ọrọre ne uwẹ mudia vbe ore ẹvbo vbe emwana ne u gha gie iyobọ gie ima.”

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Iyẹn ne ọ Maan Ọghe Jọn 15:13

Ahoẹmwọmwa ne ọ ghi kpọlọ sẹ, ne ọmwa gha sẹtin mwẹ ghe avbe esiọre ọrọre ne ọ wu ba ẹmwẹ iran.

Iwinna 11:24

Banabas keghi re ọmwa esi ne ọ vuọn ne Orhiọn Ne Ọ Huanrẹn kevbe iyayi. A keghi viọ emwa ni bun bu Nọyaẹnmwa gha dee.

Ebe ne Pọl gbẹẹn gie emwa Rom 16:4

Iran ni rhie uhunmwu mwẹ atataobọ ba ẹmwẹ mwẹ. Wa gun mwẹ kpọnmwẹ iran, ẹ i re mẹ ọkpa, sokpan kevbe esọsi emwa ne ẹ i re Ju hia.

Ebe ne Pọl gbẹẹn gie emwa Rom 5:6

Rhunmwuda, uhin vbe uwu ẹghẹ ne ima i na mwẹ iyobọ, Kristi wu ne emwa dan vbe ọ sẹ ẹghẹ ne Osanobua rhie yọ.

Ebe ne Pọl gbẹẹn gie emwa Rom 5:8

Sokpan Osanobua rhie ma ima nẹ vbene irẹn kakabọ ho ẹmwẹ mwa sẹ hẹ ẹghẹ ne ima na gha re emwa orukhọ ọre Kristi na wu ne ima.

I Jọn 3:16

Vbene ima ya rẹn emwi ne aho ẹmwẹ ọmwa khin ọre ọ na khin: Kristi ya ẹdẹ agbọn rẹn fi ohan ne ima. Rhunmwuda ọnii, ọ te vbe kei khekherriọ ne ima gha ya ẹdẹ agbọn mwa fi ohan ne etẹn mwa.