Ebe ne Pọl gbẹẹn gie emwa Rom 5:6 - Edo Bible (E Baibol Ẹdo) Version 1996

⁶ Rhunmwuda, uhin vbe uwu ẹghẹ ne ima i na mwẹ iyobọ, Kristi wu ne emwa dan vbe ọ sẹ ẹghẹ ne Osanobua rhie yọ.

Ebe ne Pọl gbẹẹn gie emwa Rom 5:6 ပူးပေါင်းရင်းမြစ်များ

Psalm 1:1

Afiangbe nọ ne emwa ni ma rhie ude emwa dan, ni ma lele igiemwi emwa orukhọ, ra ne iran ya egbe ba emwa ni i ka Osanobua yọ.

Eve Orriara 1:6

Ose Jerusalẹm khian ne a ghi ya kpitan. Te avbe ọkaolotu ẹre ghi yevbe avbe ẹrhuẹ ne ohanmwẹ ya khian ne mitanmitan. Ni yevbe ni ra sahẹ ye ulẹ ne ọ lẹ ne avbe ohuẹ.

Daniẹl 11:15

Ẹghẹ nii, ọba e Siria gha mu okuo yo ẹvbo ne a gbe odin ga, ọ ghi khọn iran. Ivbiyokuo Igipt i ra wa gha gbinna khian, orhiọn i ra vbe gha rre iran ne a wẹ ọ maa sẹ vbe uwu iran re.

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

Ebe ne Pọl gbẹẹn gie emwa Rom 4:5

Sokpan, ọmwa ne ọ ma mu ẹtin yan iwinna, ọ kegha mwẹ iyayi, ọ na hẹko mu ẹtin yan Osanobua ne ọ ye ne ọ rri abe khian ne ọ ma rri abe, iyayi ẹre ọre Osanobua ghe re ne ọ na ya ẹe khian ọmwata vbe odaro ẹre.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 5:7

Emwi ne ọ lọghọ nọ ọmwa te do wu ba ẹmwẹ ọmwa ne ẹ i ba emwi ku ru. Ughaghe a ghi miẹn ọmwa ne ọ gha sẹtin wu ne ọmwa esi.

Ebe ne Pọl gbẹẹn gie emwa Rom 5:8

Sokpan Osanobua rhie ma ima nẹ vbene irẹn kakabọ ho ẹmwẹ mwa sẹ hẹ ẹghẹ ne ima na gha re emwa orukhọ ọre Kristi na wu ne ima.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

Galatia 2:20

Ọre a ghi na miẹn nian wẹ, ẹ i re imẹ ọre ọ ghi rre agbọn ọvbehe, sokpan Kristi ọre ọ rre agbọn vbe uwu imẹ vbene I ghi ya rre agbọn na nian, iyayi ọre I ghi ya rrọọ vbe uwu ovbi Osanobua, ọmwa ne ọ ho ẹmwẹ mwẹ, ọ na rhie ẹdẹ agbọn rẹn mẹ.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Kọlose 2:13

Vbe ẹghẹ ọkpa, wa hia keghi wulo vbe ekpa ọghe orhiọn, rhunmwuda orukhọ ne uwa ru, kevbe rhunmwuda wẹ, wa kegha re emwa ne ẹ i re Ju ni vbe lahin uwu nene Uhi rre. Sokpan, banbanna nian, Osanobua viọ uwa gha die arrọọ nẹ vbe uwu Kristi. Osanobua ye orukhọ ima hia bọ ima.

I Tẹsalonaika 5:9

Osanobua ma tie ima ne ima do rri oya vbe obọ okuosu ẹre, sokpan te ọ tie mwa, ne a do la ekpa Nọyaẹnmwa Jesu Kristi rhie imiẹnfan.

I Timoti 1:9

Sokpan, ọ kere ne a yerre wẹ, emwa ne a rhunmwuda ẹre yi uhi i re avbe emwata, sokpan avbe iran ni de iyi, kevbe izigan, iran ne ẹ i mu ohan Osanobua, kevbe emwa orukhọ, iran ne ẹ i zẹ ye ẹmwẹ ugamwẹ, ra emwi orhiọn, iran ni gbele erha kevbe iye iran uan, avbe izigha.

Taitọs 2:12

Ẹsọhẹ ni ọre ọ ma ima ẹre, ne a gha zobọ vbe avbe uyinmwẹ ne ẹ i re ọghe Osanobua, kevbe orriarria emwi agbọn na hia, ne a gha yin uyinmwẹ a i balọ egbe ne ọ mudia ẹse, kevbe uyinmwẹ ne ọ khọ ọghe Osanobua vbe agbọn na.

Hibru 8:3

Te a ma dọmwadẹ ogie ohẹn wẹ, ne ọ gha ya emwi mu ohan, kevbe ne ọ gha ya aranmwẹ zọ ese ghe Osanobua, rhunmwuda ọnii, te ogie ohẹn ọghomwa gha vbe mwẹ emwi ne ọ gha ya mu ohan.

Hibru 9:26

Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

Ebe ne Jud gbẹẹn 1:15

Ne ọ do bu ohiẹn iran hia, ne ọ do bu abe gbe avbe emwa dan hia, rhunmwuda emwi dan hia ne iran ru, kevbe rhunmwuda ẹmwẹ ihin hian ne iran ne emwa dan na guan gie Osanobua!”

Ebe ne Jud gbẹẹn 1:18

Rhunmwuda iran khare wẹẹ, “Ọ gha ghi sẹ ẹdẹ okiekie, emwa eso gha rre, iran ni gha do gha ya uwa gbe ogiẹ, emwa ni gha ru emwi dan ni rre iran ekhọe.”

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.