Ebe ne Pọl gbẹẹn gie emwa Rom 5:21 - Edo Bible (E Baibol Ẹdo) Version 1996

²¹ Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 5:21 ပူးပေါင်းရင်းမြစ်များ

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 10:28

Mẹ rhie arrọọ etẹbitẹ ne iran nẹ, iran i ghi wu ẹdẹ, ọmwa ne ọ gha sẹtin sanmwẹ iran rhie vbe obọ mwẹ i rrọọ.

Ebe ne Pọl gbẹẹn gie emwa Rom 4:13

Osanobua tama Ebraham wẹ, agbọn na gha khian ọghọe. Emwi ne Osanobua ve na, ẹ i re rhunmwuda ighẹ Ebraham ru vbene nene Uhi kha re, sokpan rhunmwuda ighẹ ọ yayi, Osanobua keghi ka ẹe ye ọmwata.

Ebe ne Pọl gbẹẹn gie emwa Rom 5:12

Obọ orhiọnkpa kẹkan ọre orukhọ la la agbọn, orukhọ keghi rhie uwu mwẹ obọ gha dee. Emwi ne ọ ghi ke ẹre ikian ọrọre wẹ uwu keghi sẹ egbe emwa ni rre agbọn na hia, rhunmwuda ighẹ ima hia ọre ọ ru orukhọ.

Ebe ne Pọl gbẹẹn gie emwa Rom 5:14

Sokpan ke ẹghẹ Adam gha dee do sẹ ẹghẹ Mosis, uwu keghi mu yan emwa hia, ya sẹ egbe avbe emwa ne ọ ma ru khọ zẹ vbene Adam rukhọ vbekpa ne ọ ma na ru vbene Osanobua kha re. Adam keghi re emwi ne a ya gie ọmwa ne ọ dee.

Ebe ne Pọl gbẹẹn gie emwa Rom 5:17

Ẹmwata nọ wẹẹ, vbe ekpa orukhọ ne orhiọnkpa kẹkan ru, uwu keghi hin ẹkete dia rhunmwuda orhiọnkpa nii. Sokpan u ma miẹn ọrhẹnrhẹn emwi ne a lae miẹn ighẹ emwi ne Jesu Kristi ne orhiọnkpa kẹkan ru, ya kpọlọ sẹ. Iran hia ne ẹse ọhẹ ne wọrhọ ọghe Osanobua sẹ ọre obọ, deba ọmwa ẹmwata ọghọe ne ọ ya ru ọmwa ẹse vbe ọhẹ, gha la ekpa Kristi gha khaemwisẹ vbe arrọọ.

Ebe ne Pọl gbẹẹn gie emwa Rom 6:12

Ọ ma kei ne orukhọ gha khaemwisẹ yan ikinnegbe uwa ne ọ gha he wu na ọvbehe, ne uwa ghẹ ghi gha ru vbe ne ikinnegbe uwa kẹkan ho.

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Ebe ne Pọl gbẹẹn gie emwa Rom 8:10

A deghẹ Kristi rre uwu uwẹ, a gha rhe miẹn wẹ ikinnegbe ruẹ wu rhunmwuda orukhọ, sokpan, Orhiọn kegha re arrọọ nuẹn rhunmwuda a dọlọ uwẹ kugbe ba Osanobua nẹ.

Taitọs 2:11

Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

I Jọn 2:25

Ọnọna ọrọre emwi ne Kristi vbe kha ighẹ, rẹn gha rhie ne ima, ọnii nọ wẹẹ, arrọọ ne ẹ i mwẹ ọfo.