Ebe ne Pọl gbẹẹn gie emwa Rom 5:14 - Edo Bible (E Baibol Ẹdo) Version 1996

¹⁴ Sokpan ke ẹghẹ Adam gha dee do sẹ ẹghẹ Mosis, uwu keghi mu yan emwa hia, ya sẹ egbe avbe emwa ne ọ ma ru khọ zẹ vbene Adam rukhọ vbekpa ne ọ ma na ru vbene Osanobua kha re. Adam keghi re emwi ne a ya gie ọmwa ne ọ dee.

Ebe ne Pọl gbẹẹn gie emwa Rom 5:14 ပူးပေါင်းရင်းမြစ်များ

Gẹnẹsis 19:25

Erriọ, e Nọyaẹnmwa keghi fuẹn okpẹvbo na eveva kevbe iya nii hia kevbe emwi hia ni zọ vbe otọe nii.

Gẹnẹsis 4:8

Ẹre Keni na khama Ebẹl ne ọtiọnrẹn nokpia wẹẹ, “Gie ima khian ladian ghe oha.” Ugbẹn vbe iran ghi sẹ uwe oha, Keni ke ye emwi yan ọtiọnrẹn nokpia, ọ na gbẹe rua.

Gẹnẹsis 7:22

Emwi hia ni ghi hiọnrọn ni rre agbọn keghi wulo.

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 1:6

E Josẹf kevbe etiọnrẹn keghi do wulo, erriọ zẹ orre iran hia ba ere.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Jona 4:11

Wẹ ma miẹn wẹ ẹ i mwẹ mẹ ma tohan e Ninevi ne ẹvbo nọkhua nii. A rhe ta ẹe na, ọ sẹ emọ arriaisẹn iyehan (120,000) ne ọ ma rẹn ọkpa ọmaa rẹn eva ni rre uwu ẹre do deba emwirri ọrhẹnrhẹn.”

Ebe ne Pọl gbẹẹn gie emwa Rom 5:12

Obọ orhiọnkpa kẹkan ọre orukhọ la la agbọn, orukhọ keghi rhie uwu mwẹ obọ gha dee. Emwi ne ọ ghi ke ẹre ikian ọrọre wẹ uwu keghi sẹ egbe emwa ni rre agbọn na hia, rhunmwuda ighẹ ima hia ọre ọ ru orukhọ.

Ebe ne Pọl gbẹẹn gie emwa Rom 5:17

Ẹmwata nọ wẹẹ, vbe ekpa orukhọ ne orhiọnkpa kẹkan ru, uwu keghi hin ẹkete dia rhunmwuda orhiọnkpa nii. Sokpan u ma miẹn ọrhẹnrhẹn emwi ne a lae miẹn ighẹ emwi ne Jesu Kristi ne orhiọnkpa kẹkan ru, ya kpọlọ sẹ. Iran hia ne ẹse ọhẹ ne wọrhọ ọghe Osanobua sẹ ọre obọ, deba ọmwa ẹmwata ọghọe ne ọ ya ru ọmwa ẹse vbe ọhẹ, gha la ekpa Kristi gha khaemwisẹ vbe arrọọ.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 8:20

Te a gheghe ya avbe emwi ne a yi khian ne ẹ i ighi mwẹ esa, ẹ i re wẹ te ọ te ye ọre vberriọ. Sokpan vbene Osanobua we emwi gha ye ọre nọ, sokpan idaehọ na ye rrọọ wẹẹ,

Ebe ne Pọl gbẹẹn gie emwa Rom 8:22

Rhunmwuda, do sẹ wanwanna, ma rẹnrẹn wẹ te avbe emwi ne a yi hia wa mannọ umannọmwẹ obalọ, zẹ vbe okhuo ne emwi ubiẹmwẹ ru.

I Kọrinti 15:22

Rhunmwuda, zẹ vbene emwa hia wulo rhunmwuda ighẹ iran vbe Adam gba re ọkpa, erriọ ọre a gha vbe huẹn emwa hia kpaegbe rhunmwuda ighẹ iran re ọkpa ba Kristi.

I Kọrinti 15:45

Rhunmwuda, ebe kha re wẹ: “Adam ne okaro, te a yi ẹre emwi ne ọ rre agbọn,” sokpan Adam ne okiekie keghi re Orhiọn Osanobua ne ọ rhie arrọọ ne ọmwa.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.