Ebe ne Pọl gbẹẹn gie emwa Rom 4:6 - Edo Bible (E Baibol Ẹdo) Version 1996

⁶ Ọnọna ọre Devid kha ẹghẹ ne ọ na guan vbekpa ọyẹnmwẹ ọmwa ne Osanobua ka ye ọmwata vbe ne ọ ma na ghe emwi ne ọ ru:

Ebe ne Pọl gbẹẹn gie emwa Rom 4:6 ပူးပေါင်းရင်းမြစ်များ

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jerimaia 22:6

Te ẹguae ọba e Juda ye mose mose vbe aro mwẹ, zẹ vbene iran ye ighe otọe Giliad kevbe avbe Oke Lebanọn, sokpan, I gha ya ẹe khian otọe ne ọ dihoi rua, ehe ne ọmwarhọkpa i ye.

Jerimaia 33:16

A gha fan ivbi e Juda kevbe Jerusalẹm vbe irri, iran ghi gha rrọọ vbe a i mwẹ ẹbe. A gha gha tie ẹvbo ni ‘E Nọyaẹnmwa ne Ọmiọnmwafan mwa.’

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Matiu 25:19

“Ọ ghi kpee fua, arowa avbe eguọmwadia nii keghi rre, ọ na do gha nọ iran ẹmwẹ igho nii.

Ebe ne Pọl gbẹẹn gie emwa Rom 1:17

Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”

Ebe ne Pọl gbẹẹn gie emwa Rom 3:27

De emwi ne a ghi ra ya rhuọ vbe emwa na yi? Ẹ i rrọọ! Rhunmwuda vbe ọ khin yi? Rhunmwuda ighẹ ọmwa ru vbene nene Uhi kha re nọ ra? Ẹn o, sokpan rhunmwuda ighẹ ọ yayi.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Ebe ne Pọl gbẹẹn gie emwa Rom 4:24

Rhunmwuda mwa ọre a na gbẹn ọẹn, ma ne a gha ka ye emwata, ma ne ọ yaeyi ighẹ ọmwa ne ọ huẹn Jesu Nọyaẹnmwa kpao vbe orinmwi.

Ebe ne Pọl gbẹẹn gie emwa Rom 4:5

Sokpan, ọmwa ne ọ ma mu ẹtin yan iwinna, ọ kegha mwẹ iyayi, ọ na hẹko mu ẹtin yan Osanobua ne ọ ye ne ọ rri abe khian ne ọ ma rri abe, iyayi ẹre ọre Osanobua ghe re ne ọ na ya ẹe khian ọmwata vbe odaro ẹre.

Ebe ne Pọl gbẹẹn gie emwa Rom 4:7

“Ọ ma kan iran ne Osanobua ya orukhọ bọ, iran ne ọ gbe gue na!

Ebe ne Pọl gbẹẹn gie emwa Rom 4:9

Oghogho ne Devid kha na, ọghe iran ni rhuẹre ọkpa nọ ra kevbe ọghe iran ni ma rhuẹ nọ? Hiehiere, ọghe iran ni ma rhuẹ ọre vbe nọ. Ma ka tie ẹre ke uwu ebe ladian wan wẹẹ, “Ebraham ya Osanobua yi, Osanobua keghi ka ẹe ye ọmwata rhunmwuda iyayi ẹre na.”

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Galatia 4:15

Te ọyẹnmwẹ te gha sẹ uwa! Vbe ọ mobọ ghi ye hẹ na yi? Mẹ gha sẹtin tobọ mwẹ ta ene unu uwa wẹ, akpawẹ te ọ gie uwa ru, wa gha wọlọ aro uwa viọ mẹ.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.