Ebe ne Pọl gbẹẹn gie emwa Rom 4:5 - Edo Bible (E Baibol Ẹdo) Version 1996

⁵ Sokpan, ọmwa ne ọ ma mu ẹtin yan iwinna, ọ kegha mwẹ iyayi, ọ na hẹko mu ẹtin yan Osanobua ne ọ ye ne ọ rri abe khian ne ọ ma rri abe, iyayi ẹre ọre Osanobua ghe re ne ọ na ya ẹe khian ọmwata vbe odaro ẹre.

Ebe ne Pọl gbẹẹn gie emwa Rom 4:5 ပူးပေါင်းရင်းမြစ်များ

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

Iyẹn ne ọ Maan Ọghe Mak 9:23

Jesu wanniẹn wẹẹ, “An, a deghẹ u gha sẹtin! A i miẹn emwi ne ẹ i gie a ru ne ọmwa ne ọ mwẹ iyayi.”

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

Iyẹn ne ọ Maan Ọghe Jọn 6:29

Jesu wanniẹn wẹẹ, “Emwi ne Osanobua wẹ ne uwa ru ọ na khin: wa ya ọmwa ne ọ gie yi.”

Ebe ne Pọl gbẹẹn gie emwa Rom 10:3

Rhunmwuda iran ma rẹn vbene Osanobua ya dọlọ ọmwa kugbe be egbe ẹre hẹ, iran keghi rhunmwuda ọnii gha bẹlẹ odẹ ọghe egbe iran, rhunmwuda ọnii, iran ma ghi ye obọ ye Osanobua re vbekpa ọghe vbene ọ ho ne ọ ya dọlọ iran kugbe ba egbe irẹn hẹẹ.

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Ebe ne Pọl gbẹẹn gie emwa Rom 4:24

Rhunmwuda mwa ọre a na gbẹn ọẹn, ma ne a gha ka ye emwata, ma ne ọ yaeyi ighẹ ọmwa ne ọ huẹn Jesu Nọyaẹnmwa kpao vbe orinmwi.

Ebe ne Pọl gbẹẹn gie emwa Rom 4:3

Ebe kha re wẹẹ, “Ebraham ya Osanobua yi, rhunmwuda iyayi ẹre, Osanobua keghi kae ye ọmwata.”

Ebe ne Pọl gbẹẹn gie emwa Rom 4:6

Ọnọna ọre Devid kha ẹghẹ ne ọ na guan vbekpa ọyẹnmwẹ ọmwa ne Osanobua ka ye ọmwata vbe ne ọ ma na ghe emwi ne ọ ru:

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Jọsua 24:2

E Jọsua keghi tama emwa nii hia wẹẹ, “Ẹmwẹ ne e Nọyaẹnmwa ne Osanobua Izrẹl ra ta ọ re ọna khin. Vbe ẹghẹ ne ọ kpẹre ne ọ gberra, avbe erha uwa odede kegha rre obọ nọkpa ọghe Ẹzẹ Yufretes, iran kegha gho avbe ẹbọ ọvbehe. Ọkpa vbe nene avbe erha uwa odede kegha re Tẹra ne ọ re erha Ebraham kevbe Nahọ.