Ebe ne Pọl gbẹẹn gie emwa Rom 4:20 - Edo Bible (E Baibol Ẹdo) Version 1996

²⁰ Iyayi ẹre ma sẹ ọe rae, vberriọ, ọ ma vbe bọ iro eva ye emwi ne Osanobua ve, iyayi ẹre keghi rhie orhiọn ye ọre iwu, ọ keghi rho Osanobua vbe uyi.

Ebe ne Pọl gbẹẹn gie emwa Rom 4:20 ပူးပေါင်းရင်းမြစ်များ

Gẹnẹsis 15:6

Ebram keghi ya ẹko e Nọyaẹnmwa rhiẹnrhiẹn ghe ẹre, rhunmwuda ọnii, e Nọyaẹnmwa keghi rhan obọ miẹn ẹnrẹn.

II Ọba 7:19

Ne ọkaokuo nii na wanniẹn wẹẹ, “Ọnii i gba, ọ gha khọnrẹn ne e Nọyaẹnmwa tobọ ẹre tue ọka rre vbe ọwarọkpa!” Ọre Elaisia na vbe wanniẹn wẹẹ, “Ọ gha sirra ruẹ sunu, sokpan, u i ra danmwẹ vbe evbare nii.”

II Ọba 7:2

Ovbi ọkpọmwa ọghe ọba keghi wanniẹn tama Elaisia wẹẹ, “Ọnii i sẹtin sunu vberriọ, ọ gha khọnrẹn wẹ ne Nọyaẹnmwa tue ọka amẹ rre wanwanna.” Elaisia keghi wanniẹn wẹẹ, “Aro ruẹ gha sẹ ọe vbe ọ gha sunu sokpan u i ra re vbe evbare ni.”

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Daniẹl 10:19

Rẹn keghi tama mwẹ wẹẹ, “Osanobua ho ẹmwẹ ruẹn rhunmwuda ọnii, ghẹ gie emwi rhọkpa fian an afianma ra ne ọ muẹn orhiọn rueghe.” Ọ ghi ta ẹmwẹ na nẹ, orhiọn keghi dọlegbe la mwẹ iwu, I keghi kha wẹẹ. “Enọwanrẹn, ta ẹmwẹ ne u mwẹ ne u gha tama mwẹ ma mwẹ. U rhie orhiọn yọmwẹ iwu nẹ.”

Daniẹl 11:32

Ọba nii gha ye ero viọ iran ni mu iyayi ni fua nẹ ba egbe, sokpan, iran ni lele Osanobua gha gu iran gbinna.

Hagai 2:4

Sokpan, banbanna nian, wa ghẹ gie egbe wọ uwa rhọkpa, wa winna iwinna nii rhunmwuda, I rrọọ yaba uwa.

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Zẹkaraia 8:9

Wa gie ẹtin la uwa iwu! Ẹmwẹ ne avbe akhasẹ tae ẹghẹ ne a na gha gbe ẹyotọ ne a ra ya dọlọ Ọgua Osa mwẹ bọ, ọ re uwa vbe họn na.

Matiu 9:8

Ugbẹn vbe avbe emwa ni ghi miẹn emwi na, ohan mu iran, iran keghi rho Osanobua vbe uyi ye ne ọ na rhie egbe ẹtin vberriọ ne emwa.

Iyẹn ne ọ Maan Ọghe Luk 1:18

Zẹkaraia keghi khama odibosa ni wẹẹ, “Vbe i a gha ya rẹn hẹ ighẹ ẹmwata ọ na khin? I khian ọmaẹn nẹ, ọvbokhan mwẹ vbe khian ọmaẹn.”

Iyẹn ne ọ Maan Ọghe Luk 1:45

A miẹn vbe uhunmwu ruẹn ma hẹẹ, ne u na yayi ighe ẹmwẹ ne Nọyaẹnmwa tama ruẹn gha sẹ!”

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

II Kọrinti 12:10

Ẹko ẹre vuọn mwẹ ighẹ ne I ma na wo vbe egbe, ne a na tie ẹbọ mẹ, ẹsọn, ukpokpo, kevbe orueghe rhunmwuda Kristi. Rhunmwuda ẹghẹ ne I ma na wo vbe egbe ọre I na mwẹ ẹtin.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

II Timoti 2:1

Zẹ vbe ọghe uwẹ, ovbi mwẹ, u ghi ya ẹsọhẹ ni, ne ọre ọghe ima vbe uwu a ya egbe ba Kristi, wegbe.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.