Ebe ne Pọl gbẹẹn gie emwa Rom 4:2 - Edo Bible (E Baibol Ẹdo) Version 1996

² Akpawẹ avbe emwi ne ọ ru ọre a ya kae ye ọmwata vbe odaro Osanobua, rẹn gha miẹn emwi ne ọ gha ya gha rhuọ. Sokpan rẹn i sẹtin rhuọ vbe odaro Osanobua.

Ebe ne Pọl gbẹẹn gie emwa Rom 4:2 ပူးပေါင်းရင်းမြစ်များ

Gẹnẹsis 12:18

Ẹghẹ nii, ọba keghi gie ne a tie Ebram, ọ nọ rẹn wẹẹ, “U miẹn emwi ne u si yọ mwẹ egbe, vbọzẹ ne u ma na tama mwẹ wẹ amwọn nọ?

Gẹnẹsis 12:20

Ọba Fero keghi tama avbe emwa rẹn, iran na mu Ebram, iran keghi rhie ẹre hin ẹvbo rre kẹe kevbe amwẹ ọnrẹn kevbe emwi ne ọ mwẹ hia.

Ezikiẹl 8:9

Rẹn keghi tama mwẹ wẹẹ, “La uwu ẹre ne u ya ghe avbe emwi ni hu ọmwa ẹko ne iran ru vbe evba.”

Ebe ne Pọl gbẹẹn gie emwa Rom 15:17

Vbe ne I na yevbe rrọ ba Jesu. I sẹtin wa ya iwinna mwẹ ne I winna ne Osanobua gha rhuẹ.

I Kọrinti 1:29

Ọnii rhie maa wẹ, ọmwa ọkpa ne ọ gha sẹtin rhuọ vbe odaro Osanobua ẹ i rrọọ.

I Kọrinti 1:31

Rhunmwuda ọnii zẹ vbene ebe khare, “Ọmwaikọmwa ne ọ ho ne irẹn rhuọ, wẹ ne ọ gha ye emwi ne Nọyaẹnmwa ru rhuọ.”

I Kọrinti 4:7

Gha ọ tama ruẹn yi ighẹ u maa sẹ emwa ọvbehe? Ẹre Osanobua ọre ọ viọ emwi ne u mwẹ hia nuẹn? A deghẹ erriọ nọ, de ne a ghi ghagha baa vbọ, vbene a miẹn wẹẹ ẹ i re te a ya ẹe ru ọmwa ẹse.

I Kọrinti 9:16

Ẹ i re ukpo mwẹ ne I gha rhuọ, rhunmwuda ighẹ I ghi he kpe orhu iyẹn ne ọ maa, ugbẹn vbe a miẹn wẹ, te a ya gie mwẹ uhunmwu ne I gha ru ẹe. Ọ gha ba so mwẹ gbe a deghẹ I ma kpe orhu iyẹn ne ọ maa.

II Kọrinti 11:12

I gha wa gha ru ẹe khian vbene I ru ẹe na, ne I miẹn ehe ne dobọ ẹre yi, ighẹ emwi nii ne avbe “Ukọ” nekpa nii, gha te miẹn ya gha rhuọ wẹ, vbe ne ima ya winna ẹre iran vbe ya winna.

II Kọrinti 11:30

I gha wẹ ne I gele rhuọ, avbe emwi ne ọ rhie maa vbe ne I vburriẹ sẹ hẹ, ọre I gha ya rhuọ.

II Kọrinti 5:12

Ẹ i re te ima ho ne avbe dọlegbe gha tian egbe ima ma uwa, sokpan te ima ho ne ima rhie maa uwa, otọe emwi ne ọ zẹe ne uwa gha na gha ye ima ghan, ne uwa miẹn ehe na miẹn ẹmwẹ wanniẹn iran ẹre, ighẹ iran ni ya ukhuegbe ghan, vbe ne iran i na ghe uyinmwẹ.

Galatia 3:22

Sokpan ebe tae nẹ wẹ, obọ orukhọ gba agbọn na hia nẹ, ne iran hia ni yayi miẹn ehe na miẹn rhie vbe emwi ne a la ekpa iyayi Jesu Kristi ve.

Ẹfisọs 2:9

Emwi ne a ya rhuọ i rre emwa na ugbẹn vbe a miẹn wẹ, ẹ i re ẹtin obọ ruẹ ọre ọ ya gha ye rrọ.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Jọsua 24:2

E Jọsua keghi tama emwa nii hia wẹẹ, “Ẹmwẹ ne e Nọyaẹnmwa ne Osanobua Izrẹl ra ta ọ re ọna khin. Vbe ẹghẹ ne ọ kpẹre ne ọ gberra, avbe erha uwa odede kegha rre obọ nọkpa ọghe Ẹzẹ Yufretes, iran kegha gho avbe ẹbọ ọvbehe. Ọkpa vbe nene avbe erha uwa odede kegha re Tẹra ne ọ re erha Ebraham kevbe Nahọ.