Ebe ne Pọl gbẹẹn gie emwa Rom 4:18 - Edo Bible (E Baibol Ẹdo) Version 1996

¹⁸ Ebraham yayi, ọ keghi vbe gha mwẹ idaehọ vbe ẹghẹ ne idaehọ i na rrọọ, rhunmwuda ọnii, ọ keghi do khian erha uhunmwu ẹvbo ni bun. Zẹ vbene ebe ta ẹe wẹ, “Ekhuarha ruẹ gha bun.”

Ebe ne Pọl gbẹẹn gie emwa Rom 4:18 ပူးပေါင်းရင်းမြစ်များ

Itan 13:12

Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Iyẹn ne ọ Maan Ọghe Luk 1:18

Zẹkaraia keghi khama odibosa ni wẹẹ, “Vbe i a gha ya rẹn hẹ ighẹ ẹmwata ọ na khin? I khian ọmaẹn nẹ, ọvbokhan mwẹ vbe khian ọmaẹn.”

Iwinna 27:25

Rhunmwuda ọnii, iho mwa, wa rhie orhiọn ye iwu! Rhunmwuda mẹ mu ẹtin yan Osanobua wẹ vbene ọ khare ọre ọ khian gha ye.

Ebe ne Pọl gbẹẹn gie emwa Rom 4:17

Zẹ vbene ebe kha re, “Mẹ ya uwẹ khian erha uhunmwu ẹvbo ni bun nẹ.” Ọnii nọ wẹ, emwi ne a ve na wa maa vbe aro Osanobua ne Ebraham yayi, Osanobua ne ọ huẹn ne ọ wu kpaegbe, ne ẹmwẹ ọnrẹn ye emwi ne ẹ i te ka rrọọ khian ne ọ ghi rrọọ.

Ebe ne Pọl gbẹẹn gie emwa Rom 4:19

Te ọ ghi ra sẹ ọmọ ukpo iyisẹn sokpan iyayi ẹre ma beghe vbe ọ roro ẹmwẹ vbene egbe ẹre ye hẹ ne a miẹn wẹ ọ wa wu nẹ vbe ẹghẹ ne a kha na, ra ẹmwẹ ne a ma miẹn wẹ agan ọre Sera gha khin.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Ebe ne Pọl gbẹẹn gie emwa Rom 8:24

Rhunmwuda, idaehọ ọre a ya miẹn ima fan. Sokpan, deghẹ ma bẹghe emwi ne a mwẹ idaehọ ẹre nẹ, ọnii i ghi re idaehọ. Wa he vbe miẹn ọmwa ne ọ rhie aro ye odẹ gha khẹ emwi ne ọ rre ọre obọ nẹ ra?

Hibru 6:19

Ma keghi mwẹ idaehọ na, zẹ vbe okpo ne ọ da owa yi ọghe ekhọe mwa, ẹbe i rrọọ, te ọ vbe deziẹn gbain, ọ kevbe la ukpọn ne a ya fian ọgua Osa gberra gha, rrie ehe ne Ogiukpo nọkhua ye.