Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ebe ne Pọl gbẹẹn gie emwa Rom 4:17 - Edo Bible (E Baibol Ẹdo) Version 1996

17 Zẹ vbene ebe kha re, “Mẹ ya uwẹ khian erha uhunmwu ẹvbo ni bun nẹ.” Ọnii nọ wẹ, emwi ne a ve na wa maa vbe aro Osanobua ne Ebraham yayi, Osanobua ne ọ huẹn ne ọ wu kpaegbe, ne ẹmwẹ ọnrẹn ye emwi ne ẹ i te ka rrọọ khian ne ọ ghi rrọọ.

အခန်းကိုကြည့်ပါ။ ကော်ပီ




Ebe ne Pọl gbẹẹn gie emwa Rom 4:17
32 ပူးပေါင်းရင်းမြစ်များ  

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”


U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”


Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.


I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.


Ọmwa ọvbehe ne ọ gha te sẹtin ru emwi ne imẹ ru rrọọ ra? De ọmwa ne ọ gha te sẹtin tae yotọ yi ighẹ avbe emwi ni gha sunu ke omuhẹn emwi hia gha dee do sẹ ufomwẹ ọnrẹn?


Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.


Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”


Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.


“Oghogho wa ra ya kpao vbe Babilọn rre ọfumwegbe ọ re a ra ya viọ uwa ladian vbe ore ẹvbo nii. Avbe oke nekhua kevbe negiẹrẹ gha kpeghe urhu ua so ihuan, avbe erhan gha wee ne oghọghọ.


Wa ghẹ gha roro ighe uwa gha sẹtin mu Ebraham zasa ne uwa muẹn gba ye ukpẹ gha tie, ‘Ivbi Ebraham ma khin.’ Ne I tama uwa wẹ Osanobua gha sẹtin viọ vbe avbe okuta na ya ru uniẹn ne Ebraham.


Rhunmwuda zẹ vbene erha huẹn ọmwa ne ọ wu nẹ kpao vbe orinmwi, erriọ zẹẹ ọre Ọmọ vbe rhie arrọọ ne emwa ne ọ ho ne ọ rhie na.


Ẹmwata I tama uwa, ẹdẹ dee, ẹghẹ sẹ nẹ, ne avbe orinmwi gha na họn urhu Ovbi Osanobua, iran ni họn ẹn hia gha fe.


Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.


Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”


Ra ne ne Osanobua, Osanobua ọ ghe avbe Ju ọkpa nọ ra? Ẹ i re rẹn ọre ọ vbe re Osanobua avbe iran ne ẹ i re Ju ra? Ẹsẹse, rẹn vbe nọ.


Ebraham yayi, ọ keghi vbe gha mwẹ idaehọ vbe ẹghẹ ne idaehọ i na rrọọ, rhunmwuda ọnii, ọ keghi do khian erha uhunmwu ẹvbo ni bun. Zẹ vbene ebe ta ẹe wẹ, “Ekhuarha ruẹ gha bun.”


Akpawẹ avbe emwi ne ọ ru ọre a ya kae ye ọmwata vbe odaro Osanobua, rẹn gha miẹn emwi ne ọ gha ya gha rhuọ. Sokpan rẹn i sẹtin rhuọ vbe odaro Osanobua.


A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.


Sokpan, ne a miẹn ehe na miẹn wẹẹ, ne a na zẹ ọkpa vbe uwu emọ nii ighẹ vbene Osanobua mwamwaẹn nọ, Osanobua keghi tama rẹn wẹẹ,


Ihe ọkpa nii ne a na tae zẹẹ wẹ, ‘Wa i re emwa mwẹ,’ ọre a gha na tie iran ivbi Osanobua ne ọ rrọọ.”


Rẹn hannọ emwi ne agbọn i ka yọ kevbe ne iran kpọzọ ua kevbe ne iran tie ẹre emwi kẹkan, ne ọ miẹn ehe na fuẹn iran uan ighẹ avbe emwi ne agbọn ghe gẹdẹgbẹ.


Rhunmwuda, ebe kha re wẹ: “Adam ne okaro, te a yi ẹre emwi ne ọ rre agbọn,” sokpan Adam ne okiekie keghi re Orhiọn Osanobua ne ọ rhie arrọọ ne ọmwa.


Vbe odaro Osanobua ne ọ rhie arrọọ ne emwi hia, kevbe odaro Kristi Jesu, ọmwa ne ọ vbe miẹn iyayi ẹre kue gbangbaangban vbe odaro Pọntiọs Pailet, te I yi iyi nuẹn.


A gha rhe miẹn wẹ, esa ne ọ wu nẹ rẹn gha ye, sẹ evba, egbe orhiọnkpa na, ọre ọ na suẹn ighẹ uniẹn ne ọ ghi do ye vbe orhọnmwẹ ni re aro iso, kevbe zẹ vbe ikpẹ ekhae ne a i sẹtin ka, ni rre ọkpẹn okun.


Iyayi ọre ima ya rẹn wẹ, ẹmwẹ unu ọre Osanobua ya yi ẹrinmwi kevbe agbọn, ne a na miẹn wẹ uwu emwi ne a i bẹghe ọre a ke yi emwi ne a bẹghe ladian.


Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.


Vbe ẹghẹ ọkpa yi, wa i te re emwa Osanobua, sokpan wanwan na nian, emwa rẹn wa ghi khin, wanwan na nian, wa miẹn itohan ẹnrẹn rhie nẹ.


Sokpan wa ghẹ mianmian ẹmwẹ ọkpa na, wa ne ọse mwẹ ni ghaan wẹ, vbe aro Nọyaẹnmwa ẹdẹ ọkpa kevbe ukpo arriaisẹn, a lughaẹn ne egbe i rrọọ, ọkpa ọre iran eva khin vbe odaro ẹre.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ