Ebe ne Pọl gbẹẹn gie emwa Rom 4:15 - Edo Bible (E Baibol Ẹdo) Version 1996

¹⁵ Izohu Osanobua ọre nene uhi si tuorre, sokpan ehe ne Uhi i ye, ọmwa i vbe rra uhi vbe evba.

Ebe ne Pọl gbẹẹn gie emwa Rom 4:15 ပူးပေါင်းရင်းမြစ်များ

II Ọba 22:13

“Wa ya gualọ otọe ẹmwẹ emwi ne a gbẹnnẹ ye ebe na, kevbe emwa e Juda, vbe obọ e Nọyaẹnmwa. Ohu ima mu e Nọyaẹnmwa rhunmwuda, avbe erha mwa odede ma ru vbene ẹmwẹ ni rre ebe na wẹ ne a ru.”

Jerimaia 4:8

Rhunmwuda ọnii wa viọ ukpọn akhiẹ yọ, wa gha tu wa gha viẹ egbe. Rhunmwuda, ohu nọkhua ọghe Nọyaẹnmwa ma he la hin e Juda uhunmwu rre.

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Ezikiẹl 7:19

Iran gha filo avbe igoru kevbe esiliva iran kua vbe adesẹ ore zẹvbe iku, rhunmwuda, ke igoru kevbe esiliva, okpa ne ọ gha miẹn iran fan i rrọ vbe ẹdẹ ne Nọyaẹnmwa gha hihiẹ ohu ẹre ladian. Iran i ra sẹtin lo iran ya rhie emwi ne ẹko ho ne ẹko. Igoru kevbe esiliva ọ re ọ si iran la orukhọ ne a ru.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Iyẹn ne ọ Maan Ọghe Jọn 15:22

Iran ghẹ i rri abe emwi rhọkpa akpawẹ mẹ ma rre do gu iran guan, vbene ọ ghi ye na nian, iran i ghi miẹn emwi mu ẹmwẹ orukhọ iran na.

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Ebe ne Pọl gbẹẹn gie emwa Rom 1:17

Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”

Ebe ne Pọl gbẹẹn gie emwa Rom 5:13

Orukhọ ka rre agbọn nẹ a ke do rhie nene Uhi rre, sokpan ugbẹn vbe a miẹn wẹ uhi i rrọ, a ma vbe gha ka orukhọ ye ọmwa urhu.

I Kọrinti 15:56

Obọ orukhọ ọre uwu na miẹn ẹtin ne ọ ya kuan ọmwa rhie, obọ nene Uhi ọre orukhọ na miẹn rhie.

Galatia 3:10

Iran ni ya egbe yan ne a gha ru vbene nene Uhi kha re, te a fi iran unu. Rhunmwuda, ebe kha re wẹẹ, “Ọmwaikọmwa ne ọ ma gha ye emwi hia ne a gbẹnnẹ ye nene ebe Uhi ru emwi vbe ẹghẹ hia, te Osanobua fi ẹre unu.”

Galatia 3:19

Vbe a ghi gu rhie nene uhi ne ọmwa yi kehkehrriọ? Te a rhie ẹre te ẹe ne a miẹn ehe na gha rẹn emwi ne abaku ru, te a wẹ ne ọ vbe gha rrọọ ovbi Ebraham te do rre, ọmwa ne a ve ẹre nene emwi. Avbe odibosa ore ọ rhie nene Uhi rre, vbe ne ọmwa kẹkan na gha re ne ọ rre ẹkpo iran.

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

Kọlose 3:6

Rhunmwuda, egbe emwi vberriọ, izohu Osanobua gha hihiẹ yan iran ne ẹ i họn ẹmwẹ nẹẹn.

I Jọn 3:4

Ọmwaikọmwa ne ọ ru orukhọ, ọ rri abe ọ ghe wẹẹ, ọ rra uhi Osanobua. Rhunmwuda a rra uhi ọre orukhọ khin.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.