Ebe ne Pọl gbẹẹn gie emwa Rom 4:1 - Edo Bible (E Baibol Ẹdo) Version 1996

¹ Vbe ima gha kha hẹ khekherriọ vbe ekpa ọghe Ebraham ne erha mwa odede? Vbekpa emwi ne ọ sunu vbe egbe ẹre.

Ebe ne Pọl gbẹẹn gie emwa Rom 4:1 ပူးပေါင်းရင်းမြစ်များ

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Matiu 3:9

Wa ghẹ gha roro ighe uwa gha sẹtin mu Ebraham zasa ne uwa muẹn gba ye ukpẹ gha tie, ‘Ivbi Ebraham ma khin.’ Ne I tama uwa wẹ Osanobua gha sẹtin viọ vbe avbe okuta na ya ru uniẹn ne Ebraham.

Iyẹn ne ọ Maan Ọghe Luk 3:8

Wa gha ru emwi ne a gha ya rẹn ighẹ wa gele zobọ vbe orukhọ na ru. Wa ghẹ zẹdẹ mu ẹn gha ye unu gha tie, ‘Ivbi Ebraham ma khin.’ Ne I tama uwa wẹ, Osanobua gha sẹtin viọ okuta nekhua na, ya ru igiogbẹ ne Ebraham.

Iyẹn ne ọ Maan Ọghe Jọn 8:33

Iran wanniẹn tama rẹn wẹẹ, “Ivbi Ebraham ma khin ma ma he ru ọviẹn ọmwaikọmwa ẹdẹ. Vbe u a ya ẹmwẹ ni kha wẹ, ‘A gha ya uwa khian enọyan egbe ẹre’?”

Iyẹn ne ọ Maan Ọghe Jọn 8:53

Ebraham ne erha mwa wu. Te u wẹ ghi ya ọnii kha ighe wẹ ọre ọ kpọlọ sẹ Ebraham ra? Avbe akhasẹ vbe wulo, vbe uwẹ a tie egbe ruẹ re yi?”

Iyẹn ne ọ Maan Ọghe Jọn 8:56

Ẹko sẹ Ebraham ne erha uwa ọyẹnmwẹ wẹ aro ẹre gha sẹ ẹghẹ mwẹ, aro ẹre sẹ ọe, ọ keghi ghọghua.”

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Ebe ne Pọl gbẹẹn gie emwa Rom 1:3

Vbe ekpa ọghe Ovbi ẹre ighẹ Nọyaẹnmwa Jesu Kristi vbe agbọn na, uniẹn Devid ọre ọ la rre.

Ebe ne Pọl gbẹẹn gie emwa Rom 3:5

Sokpan a deghẹ a ghi miẹn wẹ emwi ne ima baku ru ọre ọ zẹẹ ighẹ a rẹn vbene Osanobua ru emwi ẹse hẹ vbo? Vbe ima gha ghi kha hẹ? Wẹ Osanobua ma ru ẹe ẹse vbe ọ gha rri ima oya? (Vbene emwa ne agbọn guan ọre I guan na.)

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

Ebe ne Pọl gbẹẹn gie emwa Rom 6:1

Vbe ima ghẹ ghi kha hẹ yi khekherriọ. Te ima ghẹ ghi gha kakabọ ru orukhọ yọ ra ne ẹse ọhẹ Osanobua miẹn ehe na gha muan yọ?

Ebe ne Pọl gbẹẹn gie emwa Rom 7:7

Vbe a ghẹ ghi ta ẹ hẹ yi khekherriọ? We nene Uhi tobọ ẹre ighẹ emwi orukhọ nọ ra? Hiehie re. sokpan nene Uhi ọre ọ ma mwẹ emwi ne ọ re orukhọ, rhunmwuda mẹ i ghẹ te rẹn emwi ne ọ re a ya aro ye emwi ẹrrẹ, akpawẹ nene Uhi ma kha wẹẹ, “Ghẹ ye aro ye emwi ẹrrẹe.”

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

II Kọrinti 11:22

Ivbi e Hibru iran khin ra? Ọ re imẹ vbe khin. Ivbi Izrẹl iran khin ra? Ọ re imẹ vbe khin. Ivbi uniẹn Ebraham iran khin ra, ọ re imẹ vbe khin.

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.