Ebe ne Pọl gbẹẹn gie emwa Rom 3:9 - Edo Bible (E Baibol Ẹdo) Version 1996

⁹ A deghẹ erriọ nọ, ọ mwẹ emwi ne ima ne Ju ya maa sẹ avbe iran ne ẹ i re Ju ra khekherriọ? Hiehie re! I ka zẹ ọre uke nẹ wẹ avbe Ju kevbe avbe iran ne ẹ i re Ju, ọkpa ehia khin, ototọ ẹtin orukhọ ọre ehia ye.

Ebe ne Pọl gbẹẹn gie emwa Rom 3:9 ပူးပေါင်းရင်းမြစ်များ

Itan 20:9

A gha gele miẹn ọmwa ne ọ gha sẹtin kha wẹ ekhọe irẹn i gu irẹn gui hiehiere kevbe wẹ rẹn wa khọnmiotọ nẹ vbe uhunmwu orukhọ irẹn hia.

Aizaia 65:5

Vbe iyeke ọnii, iran ghi gha tama emwa ọvbehe wẹẹ, wa gban egbe ne ima, ma huan gberra ne ọ kere ne uwa gha ya obọ kan! I i ho ne I gha bẹghe emwa vbenian, ohu iran ne ọ mu mwẹ yevbe erhẹn ne ẹ i dọyọ.

Iyẹn ne ọ Maan Ọghe Luk 7:39

Ugbẹn vbe Farisi ne ọ tie Jesu sẹ owa nii miẹn emwi na, ọ kegha ye otọ ẹko kha wẹẹ, “Akpawẹ akhasẹ ọre okpia na gele khin, ọ gha rẹn agbọn iruẹn ne okhuo na ye!”

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 11:32

Rhunmwuda te Osanobua ya emwa hia khian oghunmwu iyin ehọ ne ọ miẹn ehe na tohan emwa hia.

Ebe ne Pọl gbẹẹn gie emwa Rom 11:7

Vbe a ghi tae hẹ na yi? Obọ ivbi Izrẹl ma vba emwi ne iran te gualọ. Omwa ibozẹghe ne Osanobua hannọ zẹ ọre ọ miẹn ọẹn. Iran nekpa keghi yin ehọ vbe Osanobua tie iran.

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

Ebe ne Pọl gbẹẹn gie emwa Rom 3:1

De emwi ne avbe Ju ghi ya maa sẹ avbe iran ne ẹ i re Ju yi khekherriọ? Ne a gha rhuẹ na zẹdẹ mwẹ esa ne ọ khin ra?

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Ebe ne Pọl gbẹẹn gie emwa Rom 3:5

Sokpan a deghẹ a ghi miẹn wẹ emwi ne ima baku ru ọre ọ zẹẹ ighẹ a rẹn vbene Osanobua ru emwi ẹse hẹ vbo? Vbe ima gha ghi kha hẹ? Wẹ Osanobua ma ru ẹe ẹse vbe ọ gha rri ima oya? (Vbene emwa ne agbọn guan ọre I guan na.)

Ebe ne Pọl gbẹẹn gie emwa Rom 6:15

Vbe a ghi ta ẹe hẹ nian? Te ima ghẹ ghi gha ru orukhọ ra rhunmwuda ighẹ ma i rre ototọ uhi, ighẹ ototọ ẹse ọhẹ Osanobua ọre ima ye? a wua.

Ebe ne Pọl gbẹẹn gie emwa Rom 7:14

Ma rẹnrẹn wẹ emwi orhiọn ọre Uhi khin, sokpan, ọmwa ne ọ sẹtin wu mẹ khin, ne a vbe khiẹn ọre ọviẹn ne orukhọ.

I Kọrinti 10:19

De emwi ne I yae kha yi? Wẹ ẹbọ ra emwi ne ya ru ẹe mwẹ esa?

I Kọrinti 14:15

Vbe i a ghẹ ghi ru ẹe hẹ khekherriọ? I gha ya orhiọn mwẹ na erhunmwu, sokpan I gha vbe ya ekhọe mwẹ na erhunmwu, I gha ya orhiọn mwẹ so ihuan, sokpan I gha vbe ya ekhọe mwẹ so ihuan.

I Kọrinti 4:7

Gha ọ tama ruẹn yi ighẹ u maa sẹ emwa ọvbehe? Ẹre Osanobua ọre ọ viọ emwi ne u mwẹ hia nuẹn? A deghẹ erriọ nọ, de ne a ghi ghagha baa vbọ, vbene a miẹn wẹẹ ẹ i re te a ya ẹe ru ọmwa ẹse.

Galatia 3:10

Iran ni ya egbe yan ne a gha ru vbene nene Uhi kha re, te a fi iran unu. Rhunmwuda, ebe kha re wẹẹ, “Ọmwaikọmwa ne ọ ma gha ye emwi hia ne a gbẹnnẹ ye nene ebe Uhi ru emwi vbe ẹghẹ hia, te Osanobua fi ẹre unu.”

Galatia 3:22

Sokpan ebe tae nẹ wẹ, obọ orukhọ gba agbọn na hia nẹ, ne iran hia ni yayi miẹn ehe na miẹn rhie vbe emwi ne a la ekpa iyayi Jesu Kristi ve.

Filipai 1:18

Ọnii ma mwẹ emwi ne ọ si. Te ọyẹnmwẹ ye sẹ mwẹ yọ sokpan ne a kpe orhu e Kristi, ọre ọ ghe ẹkoata ra ọghe ibeleku. Ẹn, te ọyẹnmwẹ ra ye gha sẹ mwẹ.