Ebe ne Pọl gbẹẹn gie emwa Rom 3:8 - Edo Bible (E Baibol Ẹdo) Version 1996

⁸ A ghi wa tae vbe nian khekherriọ wẹ, “Wa gie ima wa gha ru emwi dan ne emwi ne ọ maa miẹn ehe na gha rre ẹmwata,” emwa eso wa rhia mwẹ eni ruan nẹ vbe ne iran na ba mwẹ ifi ẹzọ wẹ erriọ ọre imẹ kha re. A gha hu ahe gbe iran na, zẹ vbene ọ kere ne iran.

Ebe ne Pọl gbẹẹn gie emwa Rom 3:8 ပူးပေါင်းရင်းမြစ်များ

Jerimaia 40:16

Sokpan, e Gedalaia wanniẹn wẹẹ, “Ghẹ ru ẹe! Ẹmwẹ ne u tae vbe ekpa Ismaẹl na i re ẹmwata.”

Matiu 5:11

“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ.

Ebe ne Pọl gbẹẹn gie emwa Rom 5:20

Te a mu Uhi rre, ne abaku ru miẹn ehe na bun sẹ ayọ, sokpan ehe ne orukhọ na do bun sẹ ayọ, ẹsọhẹ Osanobua ghi ye vbe bun sẹ ayọ sẹ ọre.

Ebe ne Pọl gbẹẹn gie emwa Rom 6:1

Vbe ima ghẹ ghi kha hẹ yi khekherriọ. Te ima ghẹ ghi gha kakabọ ru orukhọ yọ ra ne ẹse ọhẹ Osanobua miẹn ehe na gha muan yọ?

Ebe ne Pọl gbẹẹn gie emwa Rom 6:15

Vbe a ghi ta ẹe hẹ nian? Te ima ghẹ ghi gha ru orukhọ ra rhunmwuda ighẹ ma i rre ototọ uhi, ighẹ ototọ ẹse ọhẹ Osanobua ọre ima ye? a wua.

Ebe ne Pọl gbẹẹn gie emwa Rom 7:7

Vbe a ghẹ ghi ta ẹ hẹ yi khekherriọ? We nene Uhi tobọ ẹre ighẹ emwi orukhọ nọ ra? Hiehie re. sokpan nene Uhi ọre ọ ma mwẹ emwi ne ọ re orukhọ, rhunmwuda mẹ i ghẹ te rẹn emwi ne ọ re a ya aro ye emwi ẹrrẹ, akpawẹ nene Uhi ma kha wẹẹ, “Ghẹ ye aro ye emwi ẹrrẹe.”

II Kọrinti 11:15

Rhunmwuda ọnii, ẹ i re ogiemwi hiehiere, a deghẹ, avbe eguọmwadia ẹre fi egbe werriẹ do gha ye vbe avbe eguọmwadia ẹmwata. Vbe okiekie iran gha miẹn emwi ne ọ ma iran ye avbe emwi ne iran ru na.

II Kọrinti 6:8

A ya ọghọ ne ima, a vbe fa ima uan, a ya ukpẹ sakan ima, a vbe tian ima, a ru ima vbe ọhọn ohoghe, sokpan ẹmwata ma ta.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.