Ebe ne Pọl gbẹẹn gie emwa Rom 3:30 - Edo Bible (E Baibol Ẹdo) Version 1996

³⁰ Ọkpa ọre Osanobua khin. Rẹn gha ye avbe Ju khian emwata vbe odaro ẹre zẹ vbene iyayi iran kha re, ọ ghi vbe ye avbe iran ne ẹ i re Ju khian emwata vbekpa iyayi iran.

Ebe ne Pọl gbẹẹn gie emwa Rom 3:30 ပူးပေါင်းရင်းမြစ်များ

Ebe ne Pọl gbẹẹn gie emwa Rom 2:26

Adeghẹ ọmwa ne ẹ i re Ju, ne ọ ma vbe rhuẹ ru vbene nene Uhi kha re, ẹ i re te Osanobua gha ka ẹe ye enọ rhuẹre ra.

Ebe ne Pọl gbẹẹn gie emwa Rom 2:27

Avbe iran ne ẹ i re Ju ọre ọ ra bu ohiẹn gbe avbe uwa ne Ju na. Rhunmwuda, u rra nene Uhi, egbe ne a rhe ya gbẹn ọẹn yu uẹ otọ, u keghi vbe rhuẹ, vberriọ iran i ru vbene nene Uhi kha re egbe ne a ma rhe ya rhuẹ iran vbe ọghe ikinnegbe.

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Ebe ne Pọl gbẹẹn gie emwa Rom 3:28

Vbene a ghi ya mu ẹmwẹ na ye owa ẹre ọrọre wẹ, iyayi ọkpa ọre ọ ye ọmwa khian ọmwata vbe odaro Osanobua, ighẹ ẹ i re ne ọ na ru vbene nene Uhi kha re.

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

Ebe ne Pọl gbẹẹn gie emwa Rom 4:9

Oghogho ne Devid kha na, ọghe iran ni rhuẹre ọkpa nọ ra kevbe ọghe iran ni ma rhuẹ nọ? Hiehiere, ọghe iran ni ma rhuẹ ọre vbe nọ. Ma ka tie ẹre ke uwu ebe ladian wan wẹẹ, “Ebraham ya Osanobua yi, Osanobua keghi ka ẹe ye ọmwata rhunmwuda iyayi ẹre na.”

Galatia 3:20

Sokpan, ọ gha re arhiọnkpa kẹkan nọ, a i vbe gualọ ọmwa ne ọ rre ẹkpo iran, ọkpa ọre Osanobua khin.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Galatia 6:15

Ẹ i zẹdẹ mwẹ esa ne ọ ye, deghẹ ọmwa rhuẹre ra ọ ma rhuẹ, emwi ne a kha ọrọre, ne ọmwa khian enayi ọgbọn.

Diuteronomi 6:4

“Izrẹl, ye ọna rre! E Nọyaẹnmwa, awẹ e Nọyaẹnmwa ọkpa kẹkan ọrọre Osanobua mwa.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.