Ebe ne Pọl gbẹẹn gie emwa Rom 3:28 - Edo Bible (E Baibol Ẹdo) Version 1996

²⁸ Vbene a ghi ya mu ẹmwẹ na ye owa ẹre ọrọre wẹ, iyayi ọkpa ọre ọ ye ọmwa khian ọmwata vbe odaro Osanobua, ighẹ ẹ i re ne ọ na ru vbene nene Uhi kha re.

Ebe ne Pọl gbẹẹn gie emwa Rom 3:28 ပူးပေါင်းရင်းမြစ်များ

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

Iyẹn ne ọ Maan Ọghe Jọn 6:40

Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”

Ebe ne Pọl gbẹẹn gie emwa Rom 3:26

Sokpan banbanna nian, vbe ẹghẹ ne a ghi ye na, ọ rhuan orukhọ emwa ne agbọn ghe, ne ọ miẹn ehe na rhie maa iran ighẹ rẹn ya emwa khian emwata vbe odaro irẹn. Odẹ vbe nian ọre Osanobua ya rhie maa ighẹ ọmwata ọre irẹn tobọ ẹre khin, kevbe wẹ ọmwaikọmwa ne ọ mu ẹtin yan Jesu, te irẹn ya ẹe khian ọmwata.

Ebe ne Pọl gbẹẹn gie emwa Rom 4:5

Sokpan, ọmwa ne ọ ma mu ẹtin yan iwinna, ọ kegha mwẹ iyayi, ọ na hẹko mu ẹtin yan Osanobua ne ọ ye ne ọ rri abe khian ne ọ ma rri abe, iyayi ẹre ọre Osanobua ghe re ne ọ na ya ẹe khian ọmwata vbe odaro ẹre.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

Galatia 2:16

Sevba ma rẹnrẹn wẹ, iyayi vbe uwu Kristi ọkpa ọre a sẹtin ya ya ọmwa khian ne ọ mudia ẹse vbe odaro Osanobua, ighẹ ẹ i re na na ru zẹ vbene nene Uhi kha re. Ma tobọ mwa, te ima ya Kristi Jesu yi, ne a miẹn ehe na la ekpa iyayi ne ima ya Jesu yi, ya ima khian ne ọ mudia ẹse vbe odaro Osanobua, ighẹ ẹ i re na na ru vbene nene Uhi kha re.

Galatia 3:24

Ọnii nọ wẹ, nene Uhi ọre a viọ ima na ne ọ gha ma ima emwi vbe Kristi te do rre, ne a miẹn ehe na la ekpa iyayi ye ima khian emwa ni mudia ẹse vbe odaro Osanobua.

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Ẹfisọs 2:9

Emwi ne a ya rhuọ i rre emwa na ugbẹn vbe a miẹn wẹ, ẹ i re ẹtin obọ ruẹ ọre ọ ya gha ye rrọ.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Taitọs 3:7

Ne a sẹtin la ekpa ẹsọhẹ ọghe ọe dọlọ ima kugbe ba Osanobua, ne ẹfe ẹtẹbitẹ ne ima danmwehọ ẹre miẹn ehe na sẹ ima obọ.

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”

Jems 2:20

Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.

Jems 2:24

Rhunmwuda ọnii, u gha miẹn nian wẹ, emwi ne ọmwa ru, ọre a ya kae ye ne ọ mudia ẹse vbe odaro Osanobua, ighẹ ẹ i re rhunmwuda iyayi ọkpa.