Ebe ne Pọl gbẹẹn gie emwa Rom 2:9 - Edo Bible (E Baibol Ẹdo) Version 1996

⁹ Oya kevbe obalọ gha rrọọ ne emwa hia ni ru emwi dan, okaro ne avbe Ju, vbe iyeke ọnii, kevbe ne iran ne ẹ i re Ju.

Ebe ne Pọl gbẹẹn gie emwa Rom 2:9 ပူးပေါင်းရင်းမြစ်များ

II Krọnikol 6:23

E Nọyaẹnmwa, danmwehọ vbe ẹrinmwi, ne u bu ohiẹn eguọmwadia ruẹ. Ru enọ rria abe emwi oya ne ọ maẹn, ne u vbe bu asẹ ne enọ ma rri abe.

Psalm 32:10

Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Itan 11:23

Emwi esi ọ re ọ la emwi ne emwa esi ho rre, emwi ne emwa dan ho gha sẹ iran obọ, ohu ghi gha mu emwa hia.

Ezikiẹl 18:4

Mẹ ọ re ọ yan orhiọn emwa hia, orhiọn ọghe avbe evbibiemọ kevbe ọghe avbe emọ. Ọmwa ne ọ ru orukhọ ọ re ọ ra gha wu.

Ezikiẹl 22:31

ghi vbe fuẹn iran an vbene erhẹn fuẹn emwi uan rhunmwuda emwi dan ne iran ru.” E Nọyaẹnmwa ne Udazi guaan nẹ.

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 10:12

Emwa hia ọre a kha, rhunmwuda alughaẹn i rrọọ ne Ju ra iran ne ẹ i re Ju, Osanobua ọrọre Nọyan ehia, ọ ghi vbe gha fiangbe iran hia ni datie ẹre wọrhọwọrhọ.

Ebe ne Pọl gbẹẹn gie emwa Rom 2:10

Sokpan Osanobua gha rhie uyi, ọghọ, kevbe ọfumwegbe ne iran ne ẹ i re Ju.

Ebe ne Pọl gbẹẹn gie emwa Rom 8:35

De ọmwa ne ọ gha sẹtin wannọ ima hin ahoẹmwọmwa ọghe Kristi rre yi? Orueghe nọ ra ọlọghọmwa, ra ukpokpo ra ohanmwẹ ra ogue, ra ẹbe ra uwu?

Ebe ne Pọl gbẹẹn gie emwa Rom 9:24

Rhunmwuda ma na ọrọre emwa ne irẹn tie ẹre ẹ i re vbe uwu avbe Ju ọkpa sokpan kevbe uwu iran ne ẹ i re Ju bare.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

II Tẹsalonaika 1:6

Rhunmwuda, ẹ i mwẹ Osanobua ma ru vbene ọ ke yi, ọ gha hihiẹ usẹ yan iran ni sẹ uwa usẹ ẹghẹ na.

I Pita 4:17

Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?