Ebe ne Pọl gbẹẹn gie emwa Rom 2:8 - Edo Bible (E Baibol Ẹdo) Version 1996

⁸ Emwa ọvbehe vberriọ ni rẹn ọghe enegbe iran ọkpa, iran ma ye obọ ye ẹmwẹ emwi ne ọre ẹmwata, ne iran miẹn ehe na gha lele emwi ne ẹ i re ẹmwata. Osanobua gha hihiẹ okuosu kevbe ohu ẹre yan iran.

Ebe ne Pọl gbẹẹn gie emwa Rom 2:8 ပူးပေါင်းရင်းမြစ်များ

II Krọnikol 6:23

E Nọyaẹnmwa, danmwehọ vbe ẹrinmwi, ne u bu ohiẹn eguọmwadia ruẹ. Ru enọ rria abe emwi oya ne ọ maẹn, ne u vbe bu asẹ ne enọ ma rri abe.

Job 24:13

“Emwa eso rrọ ni he uwanmwẹ ye otọ. Iran ma rẹn otọ ẹre ra ne iran la ehe ne ọ viọ iran la.

Psalm 90:11

De ọmwa ne ọ he ya egbe miẹn ohu ruẹ vbe uwu ẹtin ẹnrẹn hia? De ọmwa ne ọ rẹn ohan ne ohu ruẹ nọkhua sẹtin si rre?

Itan 11:23

Emwi esi ọ re ọ la emwi ne emwa esi ho rre, emwi ne emwa dan ho gha sẹ iran obọ, ohu ghi gha mu emwa hia.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Jerimaia 34:18

Avbe ekhaẹmwẹ e Juda kevbe Jerusalẹm deba avbe ekhaẹmwẹ ẹguae, avbe ohẹn kevbe avbe ọkaolotu hia gun mwẹ taa ile, vbekpa ne iran na khian la adesẹneva ekhuia ẹmila ne iran gbe fian ye iheva gberra. Sokpan, iran rraa nene ile, iran ma vbe mu ẹmwẹ ne ọ rrọ sẹ. Rhunmwuda ọnii, vbene iran ru ẹkhuia ẹmila nii ọ re I ra ru iran.

Ezikiẹl 22:31

ghi vbe fuẹn iran an vbene erhẹn fuẹn emwi uan rhunmwuda emwi dan ne iran ru.” E Nọyaẹnmwa ne Udazi guaan nẹ.

Nahum 1:6

Ohu gha mu ẹẹn, de ọmwa ne ọ gha miẹn uhunmwu? De ọmwa ne ọ gha miẹn uhunmwu vbe obọ ohu ẹre nọkhua? Ọ hihiẹ ohu ẹre ne ọ baa vbe erhẹn ladian, avbe okuta nekhua rẹnkhẹn uan iran khian ebubẹ vbe odaro ẹre.

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 10:16

Sokpan ẹ i re iran hia ọre ọ rhan obọ miẹn nene Iyẹn Ne ọ maa. Aizaia tobọ ẹre tae wẹ, “Nọyaẹnmwa, de ọmwa ne ọ ya ẹmwẹ ne ima tae yi?”

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

I Kọrinti 11:16

Sokpan, a deghẹ ọmwaikọmwa ghi wẹ rẹn ra gha gbe agbanmwẹ ha ọnii, emwi ọkpa ne I ra miẹn ta yọ ọrọre wẹ, ima kevbe avbe esọsi Osanobua, ne ọ mwẹ ilele ọvbehe ne a ya ru ugamwẹ, ẹ i rrọọ.

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

Filipai 1:17

Iran nekpa i ya ẹkoata kpe orhu e Kristi, sokpan ekhọe emwidamwẹ ọghe ne ọ rẹn ọghọe ọkpa, iran ho ne iran dọlegbe si ẹti yọ mwẹ urhu vbe ne I na rre uwu eghan na.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Taitọs 3:9

Sokpan wẹ ghi gha lẹ ne imuan ẹmwẹ oya, eni ne lọghọ ọghe erha odede ne ọ biẹ erha odede, ẹzọ, okhọn ne a khọn ba ẹmwẹ nene Uhi. Emwi oya ne ẹ i mwẹ esa ọre ehia khin.

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

Jems 3:14

Sokpan, deghẹ te uwa mwẹ oya ọmwa da ọmwa vbe ekhọe uwa, ighẹ ẹko khọ uwa, emwi vbe da uwa, ọ ma ghi kei ne uwa gha hio, ne uwa vbe gha ba ẹmwata ohoghe.

Jems 3:16

Rhunmwuda, eheikehe ne oya ọmwa da ọmwa ke emwi da mwẹ ye, evba ọre a na miẹn olighi kevbe emwi dan hia.

I Pita 3:1

Erriọ wa vbe nọ zẹẹ, wa ne avbe amwẹ, wa gha gbe uhunmwu ke otọ ne avbe ọdafẹn uwa, vbene a gha na miẹn wẹ, a deghẹ eso vbe uwu iran ma yayi, iran ghi do rhunmwuda uyinmwẹ uwa yayi. Vbe ne uwẹ ighi na vbe ta ifi ẹmwẹ ọkpa.

I Pita 4:17

Ọ sẹe nẹ nian ne ibuohiẹn gha ya suẹn, emwa Osanobua ọre a gha ka bu ohiẹn ọnrẹn. A deghẹ egbe ima ọre ọ na suẹn, vbe ọ ra gha ye hẹ vbe ufomwẹ ọnrẹn, vbe egbe iran ni ma ya Iyẹn Ne ọ maa ne ọ ke obọ Osanobua rre yi?

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.