Ebe ne Pọl gbẹẹn gie emwa Rom 2:7 - Edo Bible (E Baibol Ẹdo) Version 1996

⁷ Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

Ebe ne Pọl gbẹẹn gie emwa Rom 2:7 ပူးပေါင်းရင်းမြစ်များ

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Psalm 37:34

Hẹnhẹn idaehọ ruẹ yan e Nọyaẹnmwa gha mu uhi ẹre sẹ ọ gha mu otọe ni ne uẹn. Ne ọ ya mu ọghọ yuẹ egbe. U gha vbe miẹn ọẹn vbe a gha khulo emwa dan ladian.

Ezikiẹl 18:17

Ọ lẹ hin orukhọ ne a ru rre, ẹ i vbe rhie igho isu ne ọmwa mọmọ. Ọ rhi uhi mwẹ mwẹ, ọ keghi vbe ya iyi mwẹ ru emwi. Ẹ i ra wu ye orukhọ erha ẹe sokpan, te ọ gha rre agbọn.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iyẹn ne ọ Maan Ọghe Luk 21:19

Wa mu uhunmwu kọe, rhunmwuda evba ọre imiẹnfan uwa ye.

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Jọn 4:36

Ọmwa ne ọ rhọ emwiokọ, a ghi gha ha ẹre osa, ọ ghi gha rhọ emwiorhọ ye arrọọ ne ẹ i fo, ne ẹko miẹn ehe na rhiẹnrhiẹn ne ọ kọ emwiokọ kevbe ne ọ rhọ emwiokọ kugbe.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Ebe ne Pọl gbẹẹn gie emwa Rom 2:10

Sokpan Osanobua gha rhie uyi, ọghọ, kevbe ọfumwegbe ne iran ne ẹ i re Ju.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Ebe ne Pọl gbẹẹn gie emwa Rom 8:18

Mẹ ghe ẹre wẹ oya ne ima re ẹghẹ na ma sẹ ne a gha ya gie uyi ne a gha rhie ma mwa hiehie re.

Ebe ne Pọl gbẹẹn gie emwa Rom 9:23

Ọ keghi vbe gha ho ne ọ rhie ẹre ne a miẹn ighẹ ukpọlọmwẹ uyi ẹre ne ọ tue yan ima ne ọ wẹ ne irẹn tohan rẹn, ma ne ọ hannọ ye otọ nẹ ne uyi ẹre sẹ ima obọ.

I Kọrinti 15:42

Vberriọ ọre ọ khian gha ye vbe a gha huẹn eniwulo kpaegbe nẹ. Ẹghẹ ne a na tọnnọ ikinnegbe ye uwu otọ, emwi ne ọ sẹtin wu nọ, a ghẹ ghi huẹn ọnrẹn kpaegbe nẹ, ọ ghi do gha re emwi ne ẹ i wu.

I Kọrinti 15:50

Emwi ne I yae kha ọre ọna khin etẹn mwẹ, wẹ emwi ne a ya efun kevbe esagiẹn ma, i sẹtin mwẹ oghae vbe Arriọba Osanobua, erriọ vbe nọ, emwi ne ọ re ne ọ sẹtin wu i sẹtin ya a i wu ẹde khian ọghọe.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

Galatia 6:9

Rhunmwuda ọnii, wa ghẹ gie egbe emwi esi ne a ru wọ uwa, rhunmwuda, a deghẹ, a ma zobọ vbọ ẹghẹ dee ne ima gha na rri ere ẹre.

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

Hibru 2:7

U yi ẹe vbe ovbi ẹghẹ kherhe ne ọ ghẹ vba avbe odibo Osa u keghi ye uyi kevbe ọghọ rhuẹ ọre ẹde,

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

Hibru 6:15

Ebraham mwẹ iziengbe, rhunmwuda ọnii emwi ne Osanobua ve keghi sẹ ọre obọ.

I Jọn 2:25

Ọnọna ọrọre emwi ne Kristi vbe kha ighẹ, rẹn gha rhie ne ima, ọnii nọ wẹẹ, arrọọ ne ẹ i mwẹ ọfo.