Ebe ne Pọl gbẹẹn gie emwa Rom 2:5 - Edo Bible (E Baibol Ẹdo) Version 1996

⁵ Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Ebe ne Pọl gbẹẹn gie emwa Rom 2:5 ပူးပေါင်းရင်းမြစ်များ

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Job 21:30

Ẹdẹ ne ohu gha mu Osanobua, ọ na wẹ rẹn ra rri emwa oya, ọmwa dan ọ re ọ la ban ẹghẹ hia.

Psalm 110:5

E Nọyaẹnmwa rre obọ erha ọmwa ruẹn, ohu gha mu irẹn, ọ gha khọn avbe ọba mu otọ.

Psalm 95:8

“Wa ghẹ ze vbe udu, vbene avbe erha uwa ru vbe Mẹriba vbe ẹghẹ nii vbe iran rre ato Messa.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Itan 1:18

Sokpan, emwa vberriọ egbe iran ọ re iran rhuẹ ifi khẹ, ifi ne iran ra wulo yi.

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 28:14

Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Jerimaia 40:3

banbanna nian, ọ ru nẹ vbene ọ khare ighe rẹn gha ru. Avbe emwi na hia sunu rhunmwuda ighe emwa ruẹn ru orukhọ ghe Nọyaẹnmwa iran ma vbe họn ẹmwẹ ne ẹẹn.

Ezikiẹl 11:19

I gha rhie orhiọn kevbe ekhọe ọgbọn ne iran. I gha miẹn iran ekhọe okuta ni zevbudu nii, I ghi rhie orhiọn ne ọ họn ẹmwẹ ne iran.

Ezikiẹl 3:7

“Sokpan okpa i rre ivbi Izrẹl ne ọ gha ho ne ọ danmwehọ; iran i ra vbe danmwehọ imẹ yi. Te iran hia zevbudu, iran kevbe re emwa ọkpọzua.

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Hozia 13:12

“A gbẹnnẹ orukhọ kevbe irriabe Izrẹl yotọ, a keghi vbe hẹko viọ emwi ne a gbẹnnẹ ọẹn yi hin rre.

Emọs 3:10

E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Diuteronomi 32:34

“E Nọyaẹnmwa rẹn emwi ne eghian iran ru, rẹn mudia khẹ ẹghẹ ne ọ kere ne a ya rri iran oya.

II Tẹsalonaika 1:5

Emwi ne a ya rẹn ighẹ ohiẹn ẹmwata ọre Osanobua bu ọna khin, rhunmwuda wẹ, la ekpa emwi na hia rre, wa ghi do khian emwa ni kei ye Arriọba ẹre ne uwa rri oya ba.

Hibru 3:13

Sokpan na ghẹ miẹn wẹ orukhọ rẹrẹ eso vbe uwu uwa do ya ẹe gha ze vbe udu, wa ghi gha ru iyobọ ne egbe ẹdẹgbegbe, ugbẹn vbe a miẹn wẹ “Ẹdẹnẹrẹ” ne ebe khare ye dekan ima.

Hibru 3:15

Ẹmwẹ ne ebe tae ọna khin, “Wa gha họn urhu Osanobua ẹre na, wa ghẹ ze vbe udu vbene uwa ka ru ẹghẹ ne uwa na sọtẹ Osanobua.”

Hibru 4:7

A rẹnrẹn ighẹ erriọ nọ, rhunmwuda Osanobua keghi vbe bu ẹdẹ ọvbehe ne ọ tie ẹre “Ẹdẹnẹrẹ” Okiekie, vbe iyeke ukpo ni bun, ọ keghi vbe do dọlegbe la unu Devid guan kan rẹn vbe ebe ne a ka so unu yi wan wẹẹ, “Wa gha họn urhu Osanobua ẹrẹna, wa ghẹ ze vbe udu.”

Jems 5:3

Ọtọn gbe igho nọfua kevbe ne ọ baa ọghe uwa, ọtọn na ọre ọ ra sẹ osẹe gbe uwa, ọ ghi vbe rri uwa efun egbe zẹ vbe erhẹn. Wa silo ẹfe gboo nẹ vbe ẹdẹ okiekie na.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.

Arhie Maan 2:21

I rhie ẹghẹ nẹẹn ne ọ ya fiwerriẹ vbe orukhọ ne ọ ru, sokpan ọ ma ho ne ọ fiwerriẹ hin uyinmwẹ alama oghẹ ne ọ ye rre.

Arhie Maan 6:17

Rhunmwuda ẹdẹ izohu iran nọkhua gbe nẹ, de ọmwa ne ọ gha sẹtin khẹ iran vbe igbinna?”

I Samuẹl 6:6

Vbọzẹ ne uwa gha na ze vbe ẹkoko udu zẹ vbe ne ọba Igipt, kevbe emwa Igipt ye? Yerre vbene Osanobua zuọzuọ iran hẹ, iran te do gie ivbi Izrẹl kpa vbe Igipt rre.