Ebe ne Pọl gbẹẹn gie emwa Rom 2:29 - Edo Bible (E Baibol Ẹdo) Version 1996

²⁹ Sokpan e Ju ne ọ gele re Ju ọrọre ne ọ re Ju vbe ekhọe, ọnii nọ wẹ ne a rhuẹre vbe uwu ekhọe, emwi na keghi re iwinna ne Orhiọn Osanobua winna ighẹ ẹ i re Uhi ne a gbẹnnẹ ye otọ. Ọmwa vbe nian, Osanobua ọre ọ tian rẹn ighẹ ẹ i re emwa ne agbọn.

Ebe ne Pọl gbẹẹn gie emwa Rom 2:29 ပူးပေါင်းရင်းမြစ်များ

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

Psalm 45:13

Ovbi ọba nokhuo rre uwu ẹguae, u miẹn vbene ọ mose hẹ ẹde ne ọ yọe oru igoru ọre a ya do ẹe.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 9:25

E Nọyaẹnmwa keghi kha wẹẹ, “Ẹghẹ dee ne I gha na rri ivbi Igipt oya kevbe Juda, Idọm, Amọn, e Moab, kevbe avbe iran ni rre ato ni gbe eto iran muotọ, iran na hia rhuẹre, sokpan iran i mu ilele ne a mwamwa yọ sẹ. Iran na hia, kevbe ivbi Izrẹl, ne ọ mu ilele mwẹ sẹ i rrọ.”

Iyẹn ne ọ Maan Ọghe Luk 11:39

Rhunmwuda ọnii Nọyaẹnmwa tama rẹn wẹẹ, “U ma miẹn, wa ne Farisi ghi gha kpe iyeke ukpu kevbe ọkpa, sokpan uwu uwa vuọn ne ọkpankpan kevbe emwi dan.

Iyẹn ne ọ Maan Ọghe Luk 17:21

A i vbe tama ọmwa wẹ, ‘Do ghe ẹre vbe eran!’ ra ọ ‘Rre odọọ!’ Rhunmwuda Arriọba Osanobua rre uwu uwa.”

Iyẹn ne ọ Maan Ọghe Jọn 12:43

Rhunmwuda utianmwẹ emwa ne agbọn ọre ọ yẹ iran sẹ utianmwẹ Osanobua.

Iyẹn ne ọ Maan Ọghe Jọn 4:23

Sokpan ẹghẹ nii dee, ọ vbe sẹ otọ nẹ ne iran ni mobọ ga, gha na ga Evbavba vbe orhiọn kevbe ẹmwata. Egbe emwa nii ga vberriọ ọre Evbavba ho ne ọ gha gae.

Iyẹn ne ọ Maan Ọghe Jọn 5:44

Wa ho ne uwa tobọ uwa gha tian egbe uwa, wa ma ho ne a miẹn ighẹ Osanobua ọkpa kẹkan ne ọ rrọọ ọre ọ tian uwa, vbe uwa a ghi ra na sẹtin yayi hẹẹ?

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 2:27

Avbe iran ne ẹ i re Ju ọre ọ ra bu ohiẹn gbe avbe uwa ne Ju na. Rhunmwuda, u rra nene Uhi, egbe ne a rhe ya gbẹn ọẹn yu uẹ otọ, u keghi vbe rhuẹ, vberriọ iran i ru vbene nene Uhi kha re egbe ne a ma rhe ya rhuẹ iran vbe ọghe ikinnegbe.

Ebe ne Pọl gbẹẹn gie emwa Rom 3:1

De emwi ne avbe Ju ghi ya maa sẹ avbe iran ne ẹ i re Ju yi khekherriọ? Ne a gha rhuẹ na zẹdẹ mwẹ esa ne ọ khin ra?

Ebe ne Pọl gbẹẹn gie emwa Rom 7:6

Vbene ọ rhirhi gha ye hẹ, vbe banbanna nian, ma i ghi rre obọ nene Uhi, rhunmwuda, ma wulo hin emwi ne ọ te ka munọ ima zẹ vbe oghunmwu yi, rre nẹ. ma i ghi lele oba uhi nẹdẹ ne a gbẹnnẹ ye otọ ru emwi, sokpan, ọ ghe odẹ ọgbọn ne Orhiọn khare.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

I Kọrinti 7:19

Rhunmwuda, a rhuẹre ra a ma rhuẹ i mwẹ esa ne ọ khin, emwi ne a kha ọrọre ne a gha họn ẹmwẹ Osanobua.

II Kọrinti 10:18

Rhunmwuda, ọmwa ne Nọyaẹnmwa ka ẹe ye ne ọ maa ọre a ka ye ne ọ gbe ẹse, ighẹ ẹ i re ne ọ ye unu ẹnrẹn ka egbe ẹre ye ọmwa ne ọ maa.

II Kọrinti 3:6

Rhunmwuda, rẹn ọre ọ ru ẹe ne ima sẹtin gha ga ile nọgbọn, ne ẹ i re uhi ne a gbẹnnẹ ye otọ, sokpan, ọghe Orhiọn. Uhi ne a gbẹnnẹ ye otọ uwu ọre ọ si rre, sokpan arrọọ ọre Orhiọn rhie ne ọmwa.

Diuteronomi 10:16

Rhunmwuda onii nian, wa gha họn ẹmwẹ ne Nọyaẹnmwa, wa dobọ iyienhọ yi.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

I Tẹsalonaika 2:4

Vberriọ, vbe ne Osanobua wẹ ne ima gha guan, ọre ima ya guan, rhunmwuda, Osanobua gba ẹko ima, ọre ọna mu ẹmwẹ Iyẹn Ne ọ maa ye ima obọ. Ẹ i re ne ọ gha yẹ emwa ne agbọn ma ru, vbe ẹ i re ne ọ gha yẹ Osanobua ọmwa nọ danmwẹ emwi ne ọ rre ima ekhọe ghe.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”