Ebe ne Pọl gbẹẹn gie emwa Rom 2:27 - Edo Bible (E Baibol Ẹdo) Version 1996

²⁷ Avbe iran ne ẹ i re Ju ọre ọ ra bu ohiẹn gbe avbe uwa ne Ju na. Rhunmwuda, u rra nene Uhi, egbe ne a rhe ya gbẹn ọẹn yu uẹ otọ, u keghi vbe rhuẹ, vberriọ iran i ru vbene nene Uhi kha re egbe ne a ma rhe ya rhuẹ iran vbe ọghe ikinnegbe.

Ebe ne Pọl gbẹẹn gie emwa Rom 2:27 ပူးပေါင်းရင်းမြစ်များ

Matiu 3:15

Jesu keghi tama rẹn wẹẹ, “Gie a ruẹe vbenian, ne a miẹn ehe na ru vbene Osanobua gie.” E Jọn ma ghi vbe muan rẹn.

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

Ebe ne Pọl gbẹẹn gie emwa Rom 13:10

Ọmwaikọmwa ne ọ ho ẹmwẹ ogieva ẹre, ẹ i ru ẹre emwi khọọ. De ghẹ a ghi mwẹ ahoẹmwọmwa nẹ khekherriọ, ọnii ọre wẹ a mu nene Uhi hia sẹ nẹ.

Ebe ne Pọl gbẹẹn gie emwa Rom 2:15

Uyinmwẹ iran rhie maa ighẹ a gbẹnnẹ egbe emwi ne Uhi ni ho ye ekhọe iran. Ekhọe iran vbe rhie maa wẹ ẹmwata ọna khin vbe ne a na miẹn wẹ, ekhọe iran zẹdia bu asẹ ne iran, ugbẹnso, ọ ghi vbe gha gu iran gui.

Ebe ne Pọl gbẹẹn gie emwa Rom 2:20

Ne ọ gie odẹ ma enọkọẹn, ọmamwaemwi avbe igbama. Ekhọe ruẹ muẹn nẹ wẹ vbekpa nene Uhi, emwi hia ni rre uwu irẹnmwi kevbe ẹmwata suẹ obọ nẹ fẹẹrẹ.

Ebe ne Pọl gbẹẹn gie emwa Rom 2:25

U gha ru vbene nene Uhi khare, ọre arhuẹ ruẹ na mwẹ esa. Sokpan adeghẹ u i ru vbene nene Uhi kha re, esa ne ọ ma rhuẹ ọre u ye.

Ebe ne Pọl gbẹẹn gie emwa Rom 2:26

Adeghẹ ọmwa ne ẹ i re Ju, ne ọ ma vbe rhuẹ ru vbene nene Uhi kha re, ẹ i re te Osanobua gha ka ẹe ye enọ rhuẹre ra.

Ebe ne Pọl gbẹẹn gie emwa Rom 2:29

Sokpan e Ju ne ọ gele re Ju ọrọre ne ọ re Ju vbe ekhọe, ọnii nọ wẹ ne a rhuẹre vbe uwu ekhọe, emwi na keghi re iwinna ne Orhiọn Osanobua winna ighẹ ẹ i re Uhi ne a gbẹnnẹ ye otọ. Ọmwa vbe nian, Osanobua ọre ọ tian rẹn ighẹ ẹ i re emwa ne agbọn.

Ebe ne Pọl gbẹẹn gie emwa Rom 3:30

Ọkpa ọre Osanobua khin. Rẹn gha ye avbe Ju khian emwata vbe odaro ẹre zẹ vbene iyayi iran kha re, ọ ghi vbe ye avbe iran ne ẹ i re Ju khian emwata vbekpa iyayi iran.

Ebe ne Pọl gbẹẹn gie emwa Rom 8:4

Emwi ne ọ ya Osanobua ru ọna ọrọre ne a miẹn ehe na mu ẹn sẹ ighẹ uyinmwẹ ẹmwata ne nene Uhi nọ rẹn vbe obọ mwa, ma ne a miẹn wẹ ẹ i re vbene egbe zẹ vbene a yi ọmwa ho, ma ghi ru, sokpan vbene Orhiọn ho.

I Kọrinti 7:19

Rhunmwuda, a rhuẹre ra a ma rhuẹ i mwẹ esa ne ọ khin, emwi ne a kha ọrọre ne a gha họn ẹmwẹ Osanobua.

II Kọrinti 3:6

Rhunmwuda, rẹn ọre ọ ru ẹe ne ima sẹtin gha ga ile nọgbọn, ne ẹ i re uhi ne a gbẹnnẹ ye otọ, sokpan, ọghe Orhiọn. Uhi ne a gbẹnnẹ ye otọ uwu ọre ọ si rre, sokpan arrọọ ọre Orhiọn rhie ne ọmwa.

Galatia 5:14

Rhunmwuda nene Uhi hia, uwu iyi ọkpa ọre a na ko ẹre uhunmwu: “Ho ẹmwẹ ogieva ruẹ zẹ vbe egbe ruẹ.”

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

II Timoti 3:15

U vbe rẹn wẹ, ke ẹghẹ ọvbokhan ruẹn gha dee, u keghi wa rẹn Ebe nii, ne ọ sẹtin rhie nuẹn ighẹ ẹwaẹn ni ne ọ su ọmwa la imiẹnfan, vbe ekpa ne a na ya Kristi Jesu yi.

Hibru 11:3

Iyayi ọre ima ya rẹn wẹ, ẹmwẹ unu ọre Osanobua ya yi ẹrinmwi kevbe agbọn, ne a na miẹn wẹ uwu emwi ne a i bẹghe ọre a ke yi emwi ne a bẹghe ladian.