Ebe ne Pọl gbẹẹn gie emwa Rom 2:24 - Edo Bible (E Baibol Ẹdo) Version 1996

²⁴ Rhunmwuda Ebe tae wẹ, “Rhunmwuda avbe uwa ne Ju, eni Osanobua keghi khian ne avbe iran ne ẹ i re Ju ghi ye ukpẹ sakan.”

Ebe ne Pọl gbẹẹn gie emwa Rom 2:24 ပူးပေါင်းရင်းမြစ်များ

II Samuẹl 12:14

Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”

Aizaia 52:5

Egbọre ọ re ọ vbe sunu vbe Babilọn na, oghunmwu ọ re uwa khin, a ma vbe ha osa rhọkpa ye uwa uhunmwu. Ẹghẹ hia ọ re iran ni khaemwisẹ yan uwa ya rhuọ, iran vbe ghagha, iran ghi gha ya unu rhia mwẹ uan.

Ezikiẹl 20:27

“Rhunmwuda ọnii nian, ovbi ọmwa, tama ivbi Izrẹl vbene imẹ ne Nọyaẹnmwa ne Udazi kha ma iran hẹ, odẹ ọvbehe ne avbe erha iran ya la ekpa uyinmwẹ ne ọ ma gba iran yagha mwẹ, ọre ọna khin. Iran keghi ya ese ne iran gien ye ohu mu mwẹ kevbe ayọn ne iran ya zẹ ọhẹ rre.

Matiu 18:7

Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

I Timoti 6:1

Ọ kere ne avbe eviẹn ọmwa hia gha rẹn wẹ, arowa iran khẹke ne a ya ọghọ na, ne ọmwaikọmwa ghẹ zan eni Osanobua mwa kevbe emwi ne ima ma emwa ẹre.

Taitọs 2:5

Ne iran ghẹ gha balọ egbe, ne iran gha re ne ẹ i mwẹ awua, kevbe amwẹ ne iye ọwa esi ni họn ẹmwẹ ne ọdafẹn iran, ne ọmwaikọmwa ghẹ ya ukpẹ sakan, ẹmwẹ Osanobua.

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

II Pita 2:2

Ọ rhe ye vberriọ ni bun gha ye gha yin uyinmwẹ alama iran khian, a ghi do miẹn wẹ, rhunmwuda emwi ne iran ru, emwa ghi do gha ye ukpẹ sakan Odẹ ẹmwata nii.