Ebe ne Pọl gbẹẹn gie emwa Rom 2:21 - Edo Bible (E Baibol Ẹdo) Version 1996

²¹ Wẹ ne ọma emwa ọvbehe emwi, vbe ọ zẹ ne u ma na ma egbe ruẹ re? U kpe orhu kha wẹ, “Wa ghẹ rha,” wẹ tobọ ruẹ vbo, wẹ rha ra?

Ebe ne Pọl gbẹẹn gie emwa Rom 2:21 ပူးပေါင်းရင်းမြစ်များ

Aizaia 42:20

Izrẹl, aro ruẹ miẹn buan sokpan de emwi ne u ghi miẹn ruẹ vbọ? U mwẹ ehọ ne a ya họn ẹmwẹ, sokpan de emwi ne u he gele họn?”

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Matiu 21:13

Ọ tama iran wẹẹ, “A gbẹn ọẹn ye uwu ebe wẹẹ Osanobua khare wẹẹ, ‘Owa erhunmwu ọre a gha tie owa mwẹ?’ Sokpan wa ya ẹe khian ẹgun oyi!”

Iyẹn ne ọ Maan Ọghe Luk 11:46

Jesu wanniẹn wẹẹ, “Ọ vbe sẹ uwa, wa ni ma emwa Uhi, wa kun ihẹ ne ọ khua, kevbe ne ọ lọghọ umumwẹ yan emwa uhunmwu, sokpan ukpẹ ihiẹn obọ uwa ma dekan ihẹ ni ne a ya gu iran mu ẹn.

Iyẹn ne ọ Maan Ọghe Luk 12:47

“Ọguọmwadia ne ọ rẹn emwi ne arowa ẹre ho ne ọ ru, ne ọ ma vbe ru vbene arowa ẹre ho, a gha ye asan gbe ẹe ne obọ dae ẹsẹse.

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iyẹn ne ọ Maan Ọghe Luk 4:23

Rẹn keghi tama iran wẹẹ, “I rẹnrẹn ighe itan ne uwa ra kpa ma mwẹ ọrọre ‘Ọbo sinmwi egbu ẹ’ Wa ghi tama mwẹ wẹẹ, ‘Emwi ne ima họn ẹn ighe u ru vbe Kapaniọn, vbe ruẹe nian vbe ẹvbo ruẹ.’ ”

I Kọrinti 9:27

I ghi liki egbe mwẹ ne ọ gbikpan, ne ọ miẹn ehe na gun mwẹ gha vbokho vbene I ho, ne a ghẹ miẹn wẹ, ugbẹn vbe imẹ ghi tie emwa rrie ọgbọ ne a si nẹ, mẹ tobọ mwẹ khian ne a rhie fua.

Galatia 6:13

Iran tobọ iran ni rhuẹ re, iran i ru vbene nene Uhi khare. Iran ho ne a rhuẹ uwa, ne iran miẹn ya gha rhuọ wẹ, wa yobọ ye ẹmwẹ iwinna ikinnegbe na.